Македонија
Градоначалникот на Радовиш ги претстави проектите за градот
Градоначалникот на Радовиш Роберт Велков во саботата на прес-конференција во просториите на ВМРО-ДПМНЕ ги претстави проектите кои биле реализирани изминатата година и ги најави оние кои треба да се реализираат оваа и идната година.
Градоначалникот на Радовиш Роберт Велков во саботата на прес-конференција во просториите на ВМРО-ДПМНЕ ги претстави проектите кои биле реализирани изминатата година и ги најави оние кои треба да се реализираат оваа и идната година.
Реконструкција на старите простории во ОУ „Никола Карев“, изградба на фискултурна сала во село Ораовица и на канализациски системи во селата Калугерица, Ињево и Војславци, асфалтирани локални улици со површина од 13 000 метри квадратни, уредување тротоари на улиците „Кеј 8-ми Септември“ и „Партизанска“, набавка на канти и контејнери за отпад, енергетска ефикасност и реконструкција на детските градинки „22 Март“, се дел од проектите што изминатата година се реализирани во Општина Радовиш.
Во 2009 изградено е фудбалско игралиште и отворен е Електро-технички факултет со запишани над 150 студенти, завршен е локалниот пат Радовиш-Прналија долг 3,7 километри кој наскоро ќе биде пуштен во употреба и се изготвени туристички карти, водичи и брошури за туристичка понуда на Радовиш.
Од проектите кои се во фаза на реализација Велков ги истакна:„Воведување собирање комунален смет во градот и околните населени места, регулација на реките Сушица и Ступница и на коритото на Оравичка река, управување со загадувањето на рудникот Бучим, енергетска ефикасност на улично осветлување на булеварот „Александар Македонски“ со штедливи натриумски светилки, изградба на нова училишна зграда во продолжение на старата на ОУ „Никола Карев“, доизградба и реновирање на објектот за противпожарна заштита и реновирање на Паркот на младите“.
Тој со особено задоволство го најави капиталниот проект за општина Радовиш со кој се планира изградба на трговски центар и пазар.
„Веќе е во тендерска постапка и почнување изградба на Градски пазар со трговско-деловен комплекс и е формирана комисија за подготовка на сите активности, како и објава на тендер за заинтересирани домашни и странски инвеститори“, рече Велков./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.