Македонија
Пожарот од Делчево се префрли во Пехчево
До понеделникот приквечер на територијата на Македонија се регистрирани активни три поголеми пожара, и тоа во Делчево кој се прошири и на општината Пехчево, во Светиниколско и кај селото Теранци, додека пожарот во Тетовско е локализиран.
Пожарот во Делчево сé уште е активен, a дејствуваат авионите за гасење пожари на Дирекцијата за заштита и спасување. Но, поради непристапноста на теренот и ветерот од северен правец, пожарот се уште не е локализиран. Се планира дејствувањето на авионите да продолжи наредниот ден наутро, кога видливоста ќе биде најдобра и ќе има подобри ефекти. Во овој момент има голем чад и видливоста е слаба. На терен се ангажирани вработени од јавното претпријатие Македонски шуми, Територијалната противпожарна единица и околу сто граѓани.
Пожарот од Делчево е префрлен во Пехчево каде дејствуваат од локалните самоуправи на Пехчево и вработени од „Македонски шуми“ со ангажирани две екипи за гасење пожари.
Во понеделникот по 15 часот избувна пожар во селото Патетино, Светиниколско. Таму гори жито и се зафатени куќите од селото. Ангажирана е Територијалната противпожарна единица од Свети Николе со четири цистерни и теренско возило. Ангажирано е и доброволното противпожарно друштво со едно возило. Бидејќи има силен ветер пожарот се шири со голема брзина, па побарана е помош од територијалните противпожарни екипи на Пробиштип и Штип. Досега не е побарана помош од локалната самоуправа до Дирекцијата за заштита и спасување
Во општина Чешиново-Облешево, во селото Теранци околу 13 часот избувна пожар предизвикан од запалено стрниште.Зафатени се пасишта и жбунови од околу три хектари. Ангажирана е Територијалната единица од Кочани со две возила и осум пожарникари, вработени од Дирекцијата за заштита и спасување, Центарот за управување со кризи и локалната самоуправа. Во моментот силите за заштита од пожари дејствуваат на терен и пожарот се држи под контрола.
Пожарот во околината на Тетово е локализиран.
До 19 часот во понеделникот, не се регистрирани други поголеми пожари на територијата на земјат, информираат од Дирекцијата за заштита и спасување./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нови канцеларии на Левица во Могила и Росоман
Претседателот на Левица, Димитар Апасиев, и Носителот на ИЕ4, Сашко Јанчев, вчера присуствуваа на отворање на две нови канцеларии на локални ограноци на Левица во општина Могила и општина Росоман.
„Народот сè повеќе ги препознава идеологијата и вредностите на Левица, изградени на темелите на нашите предци кои го дале животот за Македонија и на кои почиваат вистината, праведноста и еднаквоста“, велат од Левица.
Претседателот на Левица, Апасиев, како и носителот Јанчев, во своите говори нагласија дека ова е историски момент пресуден за зачувување на интегритетот на Македонија.
„Постојаниот раст на партијата е доказ дека народот ги препознава АСНОМ-ската идеологија и бескомпромисноста на Левица, како нова идеја чие време допрва доаѓа!“, се додава во соопштението на Левица.
Македонија
Постапката за екстрадиција на Палчо ќе биде спроведена преку МВР, на осомничениот веќе му е определен притвор
Јавното обвинителство на Република Северна Македонија е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин.
Постапката за екстрадиција ќе биде спроведена преку Министерството за внатрешни работи.
По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, се додава во соопштението на Јавното обвинителство на Република Северна Македонија.
Македонија
Дозволена екстрадицијата на Љупчо Палевски Палчо
Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.
Претходно министерот за правда Кренар Лога на социјалните мрежи потврди дека е дозволена екстрадиција на Палевски.
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски.