Свет
Повеќе од 40 лица загинаа во пожар на автобус во Кина
Бројот на жртвите во пожарот што изби во автобус на автопат во близина на градот Хенан во централна Кина, достигна 41 загинат, јавува Синхуа.
Бројот на жртвите во пожарот што изби во автобус на автопат во близина на градот Хенан во централна Кина, достигна 41 загинат, јавува Синхуа. Претходно утрово кинеските медиуми јавија дека двоетажниот автобус опремени со кревети, се запалил во петокот наутро околу 4 часот по локално време (по 2 часот по македонско време) а бил изгаснат по два часа. Од смртта успеале да спасат шест лица, меѓу кои е и возачот на автобусот. Во автобусот кој имало места за 35 патници, се превезувале 47 луѓе. Кинеската полиција ја започна истрагата и како што пренесува агенцијата, службените лица престојувале во болницата каде се обидуваат да земат изјава од возачот за околностите на инцидентот. На местото од овој тежок инцидент од Пекинг допатувале заменикот началник на управата за безбедност на производите Ван Десјуе и заменикот-министер за внатрешни работи Хуанг Мин./крај/син/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.