Безбедносните служби на Нигерија во понеделникот спречија терористички напад кој требало да биде извршен со автомобил-бомба врз зграда на владина агенција во градот Кадуна во северниот дел на земјата, јавува Reuters повикувајќи се на гувернерот на истоимената држава Рубен Бухари.

Безбедносните служби на Нигерија во понеделникот спречија терористички  напад кој требало да биде извршен со автомобил-бомба врз зграда на владина агенција во градот Кадуна во северниот дел на земјата, јавува Reuters повикувајќи се на гувернерот на истоимената држава Рубен Бухари.Атентторот бил ранет во двете нозе додека се обидувал да избега. Во моментов, тој се наоѓа во притвор, рекол за генцијата Бухари.Според еден од војниците, кој бил очевидец на инцидентот, возачот на автомобилот бил државен службеник.Во јануари годинава во градот Кано во северниот дел на Нигерија, беа изведени четири бомбашки напади во близина на полициски станици во кои загинаа 178 лица. Одговорноста за тоа ја презема радикалната исламистичка група Боко Харам. По овие напади, нигериските власти уапсија 200 лица осомничени дека учествувале во нив.Претходно во Нигерија имаше серија напади околу католички Божик во кои беа убиен 49 христијани, а за што се обвинуваат припадниците на Боко Харам.Бунтот на исламистичкото движење Боко Харам, главно досега беше ограничен на нигериската сојузна држава Борно на крајниот североисток од земјата, но од годинава се прошири кон северот на Нигерија и во главниот град Абуџа.Бранот насилство ја зафати Нигерија од мај 2011 година кога на претседателските избори победи христијанинот Гудлак Џонатан кој доаѓа од западниот дел од земјата.  Претседателот Џонатан, кој има целосна поддршка на југот, но освои и милиони гласови на северот, вети формирање влада која ќе ги вклучи сите политички, етнички и религиозни групи и која ќе се обиде да ги смири недоразбирањата и тензиите. Изборите коишто се одржаа на 16-ти април 2011 година се случија низа протести и безредија во кои животите ги загубија повеќе од 800 луѓе.Во сојузната нигериска држава Баучи, во една од 12 провинции во северна Нигерија со мнозинско муслиманско население, од пред десет години почна да спроведува шеријатско право, што предизвика судири меѓи муслиманите и припадниците на локалното христијанско малцинство, и оттогаш во судирите се убиени повеќе од илјада лица. Боко Харам е бара воведување на шеријатот (исламскиот закон) во Нигерија и искоренување на западниот секуларна модел на образование. Нејзините борци беа вклучени во неколку терористички напади во 2011 година, вклучително и против седиштето на Обединетите нации во главниот град Абуџа.Според Меѓународната кризна група чие седиште е во Брисел, во етничките и верските конфликти во Нигерија во периодот меѓу 1999 и 2009 година загинале повеќе до 14 илјади луѓе.Во јануари 2011 година во четиридневните насилства, според официјалните податоци, биле убиени 326 луѓе во Хос, кој е главен град на нигериската сојузна држава Платеа, која се наоѓа меѓу муслиманскиот север и христијанскиот југ.Во март 2011 година, во централниот дел на Нигерија, имаше крвави секташки судири во кои загинаа најмалку 500 луѓе. Тогаш судирите се случија во близината на градот Џос. Причината за трагедијата беше расправија меѓу локалните христијани и муслимани. Жртви на слични судири имаше и во средината на јануари 2010 година кога загинаа најмалку 326 луѓе.Големи судири меѓу ривалските етнички и религиозни групи во Џос се случија и кон крајот на ноември 2008 година. Тогаш загинаа 381 луѓе во градот а во бранот масакри беа запалени околу стотина куќи, како и цркви и џамии.Гудлaк Џонатан доаѓа од јужниот нафтоносен дел на земјата населен претежно со христијани. Според податоците од државната изборна комисија тој доби 57 отсто од гласовите и на тој начин ја задржа претседателската функција уште по првиот круг од изборите. Неговиот главен противкандидат Бухари, кој доаѓа од северниот муслимански дел на Нигерија освои 31 отсто од гласовите.Нигерија е најголемиот производител на нафта во Африка, и извезува околу 2,2 милиони барели нафта дневно. Меѓутоа, нафтената индустрија во земјата трпи загуби поради честите напади што ги изведуваат борците на Движењето за ослободување на делтата на Нигер и други вооружени групи, врз објекти на „Chevron“, „Shel“  и други нафтени компании.Судири меѓу муслиманските милитанти и нигериската војска се разгоруваат повремено во регионите Борно, Потискум и Јоба. Спорадични пресметки има и во провинцијата Вудилу, на околу 20 километри од Кано, најголем град во северниот дел од Нигерија, како и во Баучи, во една од 12 провинции во северна Нигерија со мнозинско муслиманско население. Таму пред девет години почна да спроведува шеријатско право, што предизвика судири меѓи муслиманите и припадниците на локалното христијанско малцинство, и оттогаш во судирите се убиени повеќе од илјада лица.Нигерија е составена од  вкупно 36 држави и има население од околу 160 милиони, кои речиси по половина се христијани на југот и муслимани на северот, но милиони од нив живеат и на север и на југ./крај/мф/сн