Македонија
Уапсен Арслан Нуиши, споменуван во атентатот врз Глигоров
Околу 3.30 часот во неделата, во импровизирана чајџилница во село Крушопек е уапсен 44-годишниот Арслан Нуиши од село Грчец, со прекар Бос кој сега употребувал друго име, баран со домашни и меѓународни потерници. Станува збор за личноста која се споменува и за вмешаност во атентат врз Глигоров
Иво Котевски, портпаролот на Министерството за внатрешни работи потврди за www.forum.com.mk дека станува збор за истата личност која се споменуваше во врска со атентатот на поранешниот претседател Киро Глигоров, сега преименуван како Арслан Пода. Но прецизираше дека во тоа време МВР нема поднесено никаква пријава против него.Босанецот Осман Ватреш во 2002 г. во интервју за скопскиот неделник Национал спомненува личност со исто име Арслан Нуиши, во контекстот на група којашто е снимена на видео-касета а која е инволвирана во подготовката и изведувањето на атентатот врз тогашниот претседател Киро Глигоров во октомври 1995 г.Арслан Нуиши е споменуван и како лицето што пред атентатот му го подари наводно блиндираниот „мерцедес“ на Киро Глигоров. Ватреш исто така споменува дека братот на Арслан Нуиши го сменил презимето во Лесковица во времето кога Нуиши бил упасен. Лесковица инаку загина во меистериозна сообраќајна несреќа.
Нуиши е уапсен за киднапирањето на косовскиот бизнисмен од Хрватска
Министерството за вантрешни работи презело во организирана акција при апсењето на лицето барано по меѓуанродни потерници. Во неговото возило била најдена автоматска пушка, две рамки со куршуми, два двогледа, две радиостаници, 28 куршуми, два мобилни телефона, плетени маски „фантомки“, ракавици и други предмети кои се предадени на вештачење во Одделението за крим-техника.Последен пат меѓународна потерница преку Интерпол, по него била распишана на 25 окромври 2006 г. а Централна потерница по Наредба на Основен суд Скопје 1 од 5 јуни минатата година за издржување казна затвор десет години, претходно распишана во јули 2007 г.Нуиши во октомври.2006 г. испеа да и избега на полицијата, кога припадниците на Единицата за специјални задачи во селото Света Петка ослободија косовски бизнисмен со хрватско државјанство Љуљзим Бегај кој живее во Омиш и е соспвтеник на Kosmote Food Company, кој две седмици беше држен во заложништво и за него беше баран откуп од 500 илајди евра.
Нема потврда дали опремата е користена во грабежот на „Прокредит банка“
Покрај грабнувањето уапсениот Нуиши во криминалистичката евиденцијата на Министерството за бнадворешни работи фигурира за голем број други кривични дела за кои во повеќе наврати е осудуван и на казна затвор за што МВР информира со список: Со решение од 07.03.2007 г.- ОС Скопје 1 изречена му е казна затвор во траење од 10 години по член 141 од КЗ на РМ; Со решение од 16.06.1997 год.- ОС Скопје 2 изречена му е казна затвор во траење од три месеца по член 222 од КЗ на РМ; Со решение од 23.10.1990 год.- ОС Скопје 1 изречена му е условна осуда во траење од три месеца по член 239 од КЗ на РМ; Со решение од 30.01.1989 год.- ОС Скопје 1 изречена му е казна затвор во траење од три месеци по чл.239 од КЗ на СРМ;Нуиши има и четири кривични пријави, кои датираат од 1982, 1988, 1995 и 2006 г.Извори од МВР за www.forum.com.mk велат дека се’ уште се испитува во кои криминални дејствија била користена големата опрема најдена кај Нуиши.Исто така, нашите соговорници не можеа да ни дадат одговор на прашањето дали овој арсенал, двогледот и маските, делови од маскирна униформа особено радиостаниците би можеле да бидат употребени во петочниот грабеж на експозитурата на „Поркредит банка“ во центарот на Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.