Дали преседанот за Красниќи прераснува во правило кое ќе го опфати и Хамди Бајрамовски?

Дали преседанот за Красниќи прераснува во правило кое ќе го опфати и Хамди Бајрамовски?

Стерјо Зиков: Ако и командант Бреза се појави пред судот, веројатно би имало услови да се повлече мерката притвор против него

БОРИС ГЕОРГИЕВСК

И

За Хамди Бајрамовски, алијас командант Бреза, од скопското село Брест ќе биде применет истиот рецепт како и во случајот со Агим Красниќи доколку и тој се појави пред истражен судија и даде изјава. Ваквата разврска на проблемот со Бреза уште во петокот, во една завиена форма, ја најави премиерот Владо Бучковски, а официјалната потврда викендот пристигна од скопскиот јавен обвинител Стерјо Зиков. †Ако и командант Бреза се појави пред судот, веројатно би имало услови да се повлече мерката притвор против него. Меѓутоа, не станува збор за амнестија, затоа што Обвинителството не може да даде амнестија и не предлага таков актти, изјави Зиков во интервју за Радио Слободна Европа. Ваквата најава е во ист контекст со ставот на премиерот Бучковски, кој отворено порача дека додека е тој на чело на Владата, †нема да избегнува со политички средства да решава и безбедносни прашањааи. Зиков вчера дополнително ни објасни дека неговата изјава не значи и оти мерката притвор би се повлекла автоматски со самото појавување на Бреза пред судот, туку би се зеле предвид сите околности, и потоа би била донесена одлуката.

Сликата на командант Бреза сў уште се наоѓа на Интернет-страницата на МВР, за лица по кои трага полицијата. На неа е наведено дека 24-годишниот Бреза се бара по наредба на Основниот суд Скопје 2 за сторено кривично дело според член 237 од Кривичниот закон, односно разбојништво, и за други кривични дела. Тој веќе разговараше за повлекување на потерниците со мини-делегација од пратеници Албанци во Собранието, а неофицијалните најави говорат дека Бреза преку некои канали испратил сигнали оти е подготвен да се појави во судот и да даде изјава, по примерот на Красниќи.

Разликата меѓу Бреза и Красниќи потоа би била единствено во тоа што полицијата го пронајде оружјето на командантот од Брест, уште пред тој да се појави пред судот, додека во Кондово успеа да влезе откако беше повлечена потерницата по Красниќи, а поголемиот дел од вооружените групи си заминаа на Косово. Премиерот Бучковски во петокот порача дека по †ослободувањетоои на Кондово, најважната задача која стои пред полицијата е пронаоѓање на оружјето кое се наоѓаше во рацете на групата. Полицијата во саботата одговори на повикот на премиерот. Во Кондово ги пронајде топот и минофрлачот, кои според Бучковски биле главната закана за главниот град во периодот кога во скопското село престојуваше вооружената група, како и две “золјиии, автоматски и полуавтоматски пушки, пушкомитралез, четири рачни бомби и седум парчиња оружје РПГ. Во акцијата била пронајдена и муниција за наведеното оружје. За потсетување, сличен арсенал беше пронајден и во домот на Хамди Бајрамовски во полициската рација на 1 јули годинава.

Според опозициската ВМРО-ДПМНЕ, потерниците против Агим Красниќи власта ги повлекла, бидејќи тој поседувал топ со кој се закануваше дека ќе го нападне Скопје. Со тоа, изјави викендов портпаролот на партијата, Александар Бичиклиски, Владата покажала дека поседувањето такво оружје е услов за стекнување статус на политички партнер за преговори со неа, но и оти таа нема политички капацитет да се справи со проблемите со кои се соочува државата.

Претседателот на државата, Бранко Црвенковски, сў уште не се изјаснил за владините заклучоци во врска со †случајот Красниќиии откако претходно остро ја критикуваше одлуката на судот и Обвинителството. Заклучоците од владината седница донесени во четвртокот уште патуваат во претседателскиот кабинет. Бранејќи ја одлуката на судот и Обвинителството за повлекување на потерницата против Красниќи, премиерот Бучковски најави оти во октомври ќе започне судскиот процес против кондовецот, со што ќе се покаже дека нема никаков договор за амнестија. Обвинителот Зиков потврдува дека судската постапка против Красниќи продолжува, а тој се соочува со обвиненија за две тешки кражби, две насилства против поединечни лица, и едно обвинение за подготвување тероризам.