Македонија
Невработеноста е главен проблем за македонските граѓани
Речиси половина од македонските граѓани сметаат дека невработеноста е најприоритетен проблем за државата, покажува последната анкета на Институтот „Павел Шатев“. Според анкетата, мнозинство од граѓаните сметаат дека ВМРО-ДПМНЕ ќе победи на следните парламентарните избори
На прашањето, „Што мислите кој ќе победи на следните парламентарни избори?“, 30 отсто одговориле ВМРО-ДПМНЕ, 9,8 отсто СДСМ, 5,7 отсто ДУИ и ДПА 2,9 отсто. Одговор на ова прашање немаат 47,9 отсто од граѓаните.Според анкетата, доколку утре се одржат парламентарни избори, најголем број гласови ќе освои ВМРО-ДПМНЕ. На прашањето „Доколку утре се одржат парламентарни избори за која политичка партија ќе гласате“, 21,2 отсто би гласале за ВМРО-ДПМНЕ, 10,9 отсто за СДСМ, 5,3% за ДУИ, 2,9% за ДПА и 1,2% за Нова Демократија. Одговор на ова прашање немале 26, 4% од испитаниците, додека 30,5% нема да гласаат за ниту една партија.Според анкетата на институтот, 21,8 отсто од граѓаните најмногу доверба имаат во премиерот Никола Груевски, 7,3% во лидерот на СДСМ, Бранко Црвенковски, 5,8% во Али Ахмети и 3,3 во Мендух Тачи. Доверба во ниеден политичар немаат 41,9 отсто од граѓаните, додека 12,5 отсто немале одговор на ова прашање.Според анкетата, 63,9 отсто од македонските граѓани сметаат дека Бранко Црвенковски не заслужува повторно да биде премиер, додека 15,3 отсто повторно би му ја довериле челната функција на Владата. Без одговор се 20,7% од испитаниците.На прашањето „Кој проблем според вас е најприоритетен во Република Македонија?“, 46,2 отсто од нив се определиле за невработеноста, 29,6 отсто за економската крие, додека за 14,3 отсто од нив е решавањето на спорот со името.Анкетата е спроведена на репрезентативен примерок од 1.115 испитаници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Доста ни е од веќе видени пратеници и од гласање за помалото зло
„Во програмата имаме 13 поглавја кои го опфаќаат секој аспект од општественото живеење. Главната порака до граѓаните е да го заокружат бројот 5 на гласачкото ливче и да дозволат млади неподмитливи луѓе да ги застапуваат, бидејќи доста ни е од веќе видени пратеници и од веќе видено гласање за помалото зло. На тој начин ќе спречиме многу штетни политики“, рече лидерот на Левица, Димитар Апасиев од Прилеп, презентирајќи ја предизборната програма на неговата партија во пресрет на парламентарните избори.
-По првиот круг не паѓаме со духот, туку продолжуваме со првичната замисла, додаде Апасиев.
Партијата Левица очекува поддршка од прилепчани каде, како што велат од оваа партија, имаат реална основа за тоа.
– Земјоделството мора да биде планско. Планираме да се пополнуваат стоковите државни резерви строго со домашно производство, со однапред склучени договори за земјоделците да имаат некаква сигурност во производството. Планираме фиксни откупни цени, државни откупни центри за да не можат прекупците да ја местат цената како што ним им одговара, ладилници за складирање на произведената храна од кои ќе се снабдуваат Армијата, градинките, училиштата, болниците. Мерките, генерално ни се насочени кон државна интервенција во земјоделството, а не да биде оставено стихијно. Во стопанството планираме рестартирање или отворање државни профитабилни фирми во секоја стратешка стопанска гранка, рече носителот на кандидатската листа на пратеници во четвртата изборна единица, Сашко Јанчев при претставувањето во Прилеп.
Македонија
Спасовски од Шуто Оризари: Да не се попречува изборниот процес
Носителот на листа на кандидати за пратеници од СДСМ и коалицијата за европска иднина од ИЕ2, Оливер Спасовски, имаше свое обраќање во Шуто Оризари.
„Денеска продолжуваме со изборната кампања во Шуто Оризари на разговор со граѓаните за претседателските и парламентарните избори на 8 мај. Сакам да се сретнеме со сите граѓани, да влеземе во секоја куќа во општината Шуто Оризари, да поразговараме со секого за нашата перспектива на Македонија”, рече Спасовски. Притоа, тој ја истакна важноста да се гласа на 8 мај.
„Многу е важно граѓаните да останат смирени и овој втор круг од изборите да помине во демократска атмосфера. Упатувам порака до сите оние се дрзнуваат на било кој најчин да го попречуваат изборниот процес, да се закануваат, да навредуваат, да останат на ниво на демократски вредности. Да ги почитуваат граѓаните и на мирен, фер и демократски начин да заврши изборниот процес. Воедно ги повикувам сите граѓани масовно да излезат на изборите на 8 мај, да гласаат за нашиот претседател Стево Пендаровски заокружувајки го бројот 1, и да гласаат за листата на пратеници исто така под број 1 за коалицијата за европска иднина”, порача Спасовски.
Македонија
Меџити: Сите бегаат од ДУИ како од корона
Изет Меџити, лидерот на Демократското движење, чија партија е дел од коалицијата ВЛЕН рече дека „на ВМРО-ДПМНЕ ѝ треба албански партнер како ВЛЕН, за да биде целосна сликата“.
-Од ДУИ денес сите бегаат како од корона. Дури и ВМРО-ДПМНЕ и Максим Димитриевски бегаат од ДУИ и не сакаат влада со нив, рече Меџити на средби со граѓани во општина Чаир и во Сарај.
Ветува решавање на клучните проблеми на граѓаните во нивните општини.
За Меџити, само на тој начин ќе се претендира за европски вредности и европски фронтови. Немањето канализација и елементарни услови за живот е недозволиво, истакнува тој.