Свет
Разбиена авганистанска криумчарска мрежа во Европа
Во истрагата која се спроведувала во Италија, разбиен е криумчарски синџир преку кој во Европа се шверцувале околу 200 лица месечно, соопшти денеска европската полициска агенција Еуропол.Двегодишната прекугранична истрага резултирала со апсење на 26 лица на 11-ти јануари, од кои најмногу биле приведени во Италија, но имало апсења и на лица во Франција и Германија. Во криумчарењето луѓе учествувале групи од Грција, Норвешка, Шведска, Велика Британија, Авганистан, Иран и Пакистан.Според Еуропол, преку илегалниот синџир од август 2008 г. до денес се криумчареле околу 200 лица месечно. Се верува дека барем една петина од илегалните имигранти преку оваа мрежа се деца, бидејќи некои од нив биле пронајдени во текот на претресите во истрагата.Авганистанците биле криумчарени низ Пакистан, Иран, Турција и Грција, а потоа патот минувал преку Албанија, Босна и Херцеговина, Хрватска, Црна Гора или Словенија до Италија. Откако имигрантите ќе биле доведени до Рим, тие биле префрлувани на север, а нивната крајна дестинација биле Норвешка, Шведска и Британија. Нивното патешествие траело од неколку денови до неколку седмици, а поединечно им се наплаќале меѓу 3.500 и пет илјади евра само за илегалниот транспорт од Авганистан до Италија, се наведува во соопштението на Еуропол. Припадниците на оваа криумчарска мрежа користеле фалсификувани лични документи од Европската унија и Хавал системот за префрлување пари меѓу криминалците чии центри биле во Франција, Грција, Италија, Иран, Пакистан и Британија./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.
Свет
Хамас: Нападот на Израел ги загрозува животите на стотици илјади цивили во Рафах
Израелската окупација на преминот Рафах во јужниот дел на Појасот Газа е опасна ескалација што ги загрозува животите на стотици илјади раселени цивили во Рафа, како и објекти под заштита на меѓународното право, објави палестинската милитантна група Хамас.
Во соопштението се додава дека нападот на израелската армија ќе ја влоши хуманитарната ситуација во Газа и ќе го спречи протокот на толку потребната итна помош за цивилите, пренесува Ал Џезира.
„Ова злосторство, кое доаѓа веднаш откако Хамас објави дека го прифаќа предлогот на посредникот за прекин на огнот, ја потврдува намерата на окупаторите да ги нарушат напорите за посредување за прекин на огнот и враќање на затворениците“, се вели во соопштението, повикувајќи ги САД и меѓународната заедница да изврши притисок врз Израел да ја запре ескалацијата.