Изјавите што ги слушнавме дека Охридскиот рамковен договор е мртов беа причина за вчерашната заедничка изјава на мисиите на ЕУ, НАТО, САД и ОБСЕ во Скопје, вели евро-амбасадорот Ерван Фуере

Според евроапбасадорот Ерван Фуере, Охридскиот рамковен договор е единствената алтернатива која ќе осигура добри меѓуетнички односи и напредок на Македонија.„Имавме изјави поврзани со Охридскиот рамковен договор, според кој тој е мртов. Овие изјави не се од помош, поради тоа што луѓето можеби размислуваат за други алтернативи. Ние веруваме дека Охридскиот рамковен договор е единствена алтернатива, дека е важна рамка за одржување на интеретничкиот карактер на Македонија, со цел да се зајакнат меѓуетничките односи, со цел да се осигура дека нема опасност од зголемени тензии меѓу етничките заедници. Затоа е важно да се направат напори да се фокусираме на целосна имплементација на Охридскиот рамковен договор. Ова исто така, ќе осигура меѓусебна доверба. Очигледно е дека има проблем во довербата меѓу различни заедници“, вели Фуере.Тој побара и зајакнат политички дијалог во земјата.„Политичкиот дијалог е доста слаб, нема сомнеж. Коордиднацијата меѓу партиите во Собранието страда, имаме проблеми да се дозволи дебата за важни прашања со кои се соочува земјата, како на пример ‘Скопје 2014’ но и многу други прашања. Сметаме дека е во најдобар интерес да има можност сите овие прашања да бидат дебатирани слободно во Собранието, за да има соодветна доверба меѓу сите граѓани и исто така, да му се даде приоритет на интересот на граѓаните“, вели Фуере.Мисиите на  ЕУ, НАТО, САД и ОБСЕ во Скопје во вторник преку заедничко соопштение побараа фокусирање на целосна имплементација на Охридскиот рамковен договор и зајакнат политички дијалог.