Македонија
Испратени медицински тимови на АРМ во Бих и Авганистан
Свеченост по повод испраќањето на осмата ротација на медицинскиот тим на АРМ кој учествува во мисијата АЛТЕА во БиХ и на четвртата ротација од хируршкиот тим кој учествува во мисијата ИСАФ во Авганистан денеска се одржа во просториите на Командата за логистичка поддршка (КЛП) на АРМ.
Свеченост по повод испраќањето на осмата ротација на медицинскиот тим на АРМ кој учествува во мисијата АЛТЕА во БиХ и на четвртата ротација од хируршкиот тим кој учествува во мисијата ИСАФ во Авганистан денеска се одржа во просториите на Командата за логистичка поддршка (КЛП) на АРМ.
На свеченоста, пред роднините на припадниците на медицинските тимови, командантот на КЛП, полковник Благојчо Пејчинов го истакна значењето на ангажирањето на припадниците на АРМ во рамките на силите на ЕУФОР, како и придонесот на хируршкиот тим на АРМ во мисијата ИСАФ во Авганистан, потсетувајќи на фактот дека двете мисии, се од огромно значење за афирмацијата на Република Македонија, како и за промовирањето на оперативните способности на АРМ во делот на санитетското обезбедување.
Медицинскиот тим на АРМ од осмата ротација е составен од 10 лица, стручен медицински и помошен персонал, чија задача во рамките на мисијата АЛТЕА е да обезбедува општа медицинска помош за потребите на силите на ЕУФОР, сместени во кампот Бутмир кај Сараево. Хируршкиот тим задачите ги извршува во рамките на норвешкиот контингент на северот од Авганистан во провинцијата Мејмана, каде АРМ првата ротација ја испрати во декември 2008 година. Двата медицински тимови треба да завршат со последни подготовки пред поаѓање во мисија, така што во текот на месецот ќе бидат завршени предвидените ротации. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на изведувачот му се исплатени, а работата ни оддалеку не е завршена.
,,На изведувачот, само за реконструкција на дворот му се исплатени 230.000 евра од страна на Општина Охрид, за моментално оваа слика што ја гледате позади мене да биде ваква – грда, раскопана, каллива, нереконструирана…”, вели Носителот на ИЕ5 и Генерален секретар на Левица, Јована Мојсоска, од местото каде веќе цела година се одвиваат наводните градежни активности.
Според Мојсоска, баснословната сума и тендерот за овој цела година – раскопан двор по кој газат учениците од Охрид, повторно се во рацете на т.н. ,,локален шериф” од ДУИ.
,,Овој тендер заврши во рацете на познатиот Нефи Усеини, кој е рекордер по бројот на дивоградби тука во општина Охрид. Дополнително, истиот овој човек доби 80.000 евра тендер – повторно од Општина Охрид за реконструкција на оградата од дворот на истово училиште. И како тоа да не е доволно, токму Нефи Усеини за оваа иста гимназија доби 50.000 евра за електрична инсталација. Сè на сè, овој познат функционер, Нефи Усеини, доби, речиси, 500.000 евра од страна на власта на ВМРО – ДПМНЕ.
Мојсоска потсети дека во минатото, токму Нефи Усеини, беше симбол на неказнивоста на функционерите на ДУИ.
,,Нефи беше ослободен за нападот на советникот. Нефи Усеини беше ослободен од кривично гонење кога неговата фирма, директно, го загадуваше Охридското езеро. А како симбол на владеењето на овој градоначалник во сенка, остана познатата дивоградба, Пицерија во Чинарот. За жал, и тука се постави дека без разлика кој е на власт, повторно локалните функционери на ДУИ, никој не може да ги допре”, додава Носителот на ИЕ5, Јована Мојсоска.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.