Македонија
Црвенковски: СДСМ е најзаслужен за независноста на Македонија

Наместо прославата за 8-ми септември да биде резултат на заеднички договор и со содржина која ќе го обедини народот, беше присвоен и употребен исклучиво од владејачката партија со цел сопствено промовирање, обвини денеска лидерот на СДСМ, Бранко Црвенковски.
Наместо прославата за 8-ми септември да биде резултат на заеднички договор и со содржина која ќе го обедини народот, беше присвоен и употребен исклучиво од владејачката партија со цел сопствено промовирање, обвини денеска лидерот на СДСМ, Бранко Црвенковски.
Тој рече дека Иницијативата за распишување на референдум за независност била на СДСМ, создавањето и градењето на дел од државните институции, членството во ООН и меѓународното признавање од клучните меѓународни фактори и најголем број држави, се случиле додека неговата партија била на власт.
Меѓудругото, тој рече дека СДСМ била на чело на државата кога со успех се победиле ембаргата, санкциите и заканите од прелевањето на војната од просторот на поранешна Југославија и како што рече, најголемите исчекори во евро-атланската интеграција се случија во време кога СДСМ беше на власт.
„Тргајќи од овие, а и од многу други факти токму СДСМ е партија што има право и должност да повика на достоинствен начин на одбележување на овој голем празник и тоа на начин со кој ќе се демонстрира заедништвото и единството на сите наши граѓани и целиот наш народ“, истакна Црвенковски.
Тој обвини дека прославата е присвоена за промовирање на партиските проекти кои како што истакна во изминатиов период го дели, а не го обединуваа македонскиот народ.
Тој додаде дека власта решава да прави груб историски фалсификат сместувајќи ја Декларацијата за независност во Музејот на жртвите од комунизмот. Забележа дека централната прослава се сведува, како што рече, на промоција на спомениците кои направиле крупни поделби и дека во рамки на прославата се организираат настани за величање на првата влада предводена од Никола Кљусев, а притоа ниту еднаш да не се спомене името на првиот претседател на независна Македонија, Киро Глигоров.
„Вака заедништво и единство не се гради. Жалам што овој голем јубилеј го дочекуваме во ваква атмосфера, но тоа не беше наш избор. Опозицијата ама буквално со ништо не придонесе за ваков развој на настаните.
„И покрај сè, чувството на гордост и правото на достоинствено чествување на големиот празник и јубилеј никој не може да ни го одземе, без разлика кој каде се наоѓаме и кој каде припаѓа“, рече Црвенковски.
Црвенкоски добил покана за присуство на свечената седница на Собранието, за присуство на свечената академија утревечер во Македонскиот народен театар и за присуство на средбата организирана од страна на премиерот Груевски со поранешни премиери.
„Тоа се логични настани, тоа се настани што личат на ваква прослава и на тие настани јас ќе учествувам“, рече Црвенковски./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фатени шверцери на лукусзни автомобили, ОЈО Скопје бара притвор

Основното јавно обвинителство Скопје поведе постапка против три лица за кривични дела – Криумчарење и Фалсификување исправи.
Како што се наведува во соопштението од ЈОРМ, станува збор за осомничени кои се дел од претходно разоткриената шема на дејствија за криумчарење луксузни автомобили од странство преку фалсификување службени и други исправи. Дел од учесниците во оваа шема се претходно обвинети, против дел се веќе изречени пресуди, а за дел, се посочува, кривичниот прогон е препуштен на Република Бугарија, бидејќи станува збор за тамошни државјани.
-Со акцијата реализирана вчера под координација на јавен обвинител, се обезбедија докази кои даваат основано сомнение дека првиот новоосомничен, во март 2022 година, преку граничниот премин Деве Баир, поттикнал и организирал криумчарење на автомобил Тојота ЦХР, вреден 22.500 евра, кој бил предмет на меѓународна потрага. Притоа искористил лажни таблички и лажни исправи кои му биле изготвени од лице кое сега е веќе осудено, па го регистрирал и извадил сообраќајна дозвола за возилото. Втората осомничена, во август 2021 година поттикнала двајца бугарски државјани да извршат криумчарење на Лексус НХ300Х, вреден 15.000 евра кој исто така бил предмет на меѓународна потрага. Автомобилот го презела осомничената со фиктивен договор за купопродажба, а потоа со лажни бугарски таблички и лажни исправи извадил сообраќајна дозвола во земјава, наведуваат од Обвинителството.
Третиот осомничен, се додава, е управител на правно лице, кој за потребите на фирмата, на сличен начин, избегнувајќи ја царинската контрола, во државава од Бугарија внел автомобил Ланд Ровер – Рејнџ Ровер Евок, вреден 17.340 евра, со преправен број на шасија, а потоа со целосно лажни документи извадил сообраќајна дозвола за возилото.
Под сомненија за кривично дело – Фалсификување службена исправа постапка е поведена и против две службени лица кои во времето на извршување на дејствијата биле вработени во управните служби на МВР и за кои постојат сомненија дека ги изготвиле и ги издале сообраќајните дозволи.
За тројцата осомничени за криумчарење надлежниот јавен обвинител до судот поднесе предлог за определување мерка притвор. За едниот од нив кој во моментов е надвор од државата, ќе биде предложена притворска мерка која ќе започне да се применува од неговото пронаоѓање и лишување од слобода, се наведува во соопштението.
Македонија
ВМРО-ДПМНЕ: Тендерите во РЕК и ЕСМ, во време на власт на Заев и Филипче завршуваа само кај ним омилената фирма, Марковски компани

Тендерите во РЕК и ЕСМ, во време на власт на Заев и Филипче завршуваа само кај ним омилената фирма, Марковски компани, се наведува во соопштението на ВМРО-ДПМНЕ.
„За неколку години, оваа фирма доби над 200 милиони евра во тендери, а дел од тие пари потребно е да се истражат дали завршиле во фирмите на Заев и Филипче во Бугарија. Поради сиве овие местенки и испумпувања на буџетот, како и заштита од поединци од судството на Заев и Филипче, сопственикот на Марковски компани доби куќен, наместо затворски притвор.
Една од историско најголемите зделки во РЕК и ЕСМ, ја добила токму Марковски компани, од неверојатни 46 милиони евра.
Иако, на овој тендер се пријавиле и други фирми со 30% пониска цена, Заев и Филипче овој тендер му го доделиле на Марковски компани.“, се вели со партиското соопштение.
Прашањето кое остана неодговорено е каде завршиле овие дополнителни 30% средства, односно во бројка околу 14 милиони евра? Дали овие 14 милиони евра завршиле на сметка на фирми на Заев и Филипче во Бугарија? Зошто Заев и Филипче молчат?, прашаа од ВМРО-ДПМНЕ.
„На ваков начин СДС работеше долги година на власт. Тендери си делеа неколку луѓе од врвот, како Заев и Филипче, а потоа си ги делеа и си инвестираа во фирми. Од друга страна, беа заштитени од страна на судството и обвинителството, кое тие го држат под контрола. Затоа, ги повикуваме граѓаните, да го поддржат бројот 9, и да го направат вистинскиот избор. Со твојот човек, за твоето место, за твојата иднина“, завршуваат од владејачката партија.
Македонија
Последна седмица од кампањата за локалните избори 2025

На една седмица од Локалните избори 2025, кои ќе се одржат на 19 октомври, политичките партии, коалициите и независните кандидати продолжуваат со претставување на своите програми и кандидати пред граѓаните. Денеска се најавени митинзи и директни средби во повеќе општини низ државата.
ВМРО-ДПМНЕ и коалицијата ќе ги претстават своите кандидати во Чучер-Сандево, Свети Николе и Штип, додека СДСМ има најавено активности во Ново Село, Босилово, Василево, Радовиш и во Струмица.
Кандидатот за градоначалник на Град Скопје од ВМРО-ДПМНЕ, Орце Ѓорѓиевски, ќе се обрати на прес-конференција што ќе се одржи во 10:30 часот во неговиот Штаб наспроти „Тренд“ во центарот на Скопје.
Каја Шукова – кандидатка за градоначалничка на Град Скопје од СДСМ и Коалицијата ќе даде изјава за медиумите во Градски парк кај Кермез во 11:30 часот.
Со почеток во 12:00 часот, кандидатот на Вреди за градоначалник на Општина Чаир, Изет Меџити, ќе одржи прес – конференција во неговиот изборен штаб на плоштад Скендербег.
Прес-конференција во седиштето на ДУИ во Скопје денеска напладне ќе одржи потпретседателот на Демократската унија за интеграција Арбер Адеми на која ќе се обратат и кандидатот за градоначалник на Гостивар, Валбон Лимани, и кандидатот за градоначалник на Јегуновце, Насир Абази.
Кампањата официјално завршува на 17 октомври на полноќ, по што следува изборниот молк пред гласањето на 19 октомври. Вториот круг е закажан за 2 ноември.