Поранешниот управител на „Хедис маркетите“, и „Хедис“ ДО0, Жарко Стојановски, потпишувал подготвени позајмици без да праша по чиј налог биле давани.

Поранешниот управител на „Хедис маркетите“, и „Хедис“ ДО0, Жарко Стојановски, потпишувал подготвени позајмици без да праша по чиј налог биле давани. Според него, доколку некоја фирма од ул. „перо Наков“ имала финансиски проблеми, тој дозволувал давање позајмици на таа фирма од неговата. Денеска во Кривичниот суд во Скопје продолжи сослушувањето на 23-цата обвинети во случајот „„Пајажина“. Претходните денови беа сослушани петмина од обвинетите кои се изјаснија за невини, но дополнителна одбрана со изнесување докази најавија во текот на доказната постапка. Стојановски тврди дека немал никаква врска со финансиите во фирмата, оти сите фирми на „Перо Наков“ имале централно книговодство и тој има целосна доверба во Славица Маринковска којашто го водела книговодството. Иако бил директор на фирмата, Жарко Стојановски се изјасни дека тој не знаел кој давал налог за позајмиците, и не знае колку точно вработени имало во фирмата што тој ја раководел, бидејќи бројката работници постојано варирала. Како основач на фирмата „Хедис маркети“, Стојановски го наведе сопственикот на А1 телевизија, Велија Рамковски. Меѓутоа, на прашање од судијата, тој вели дека не го информирал него за работата во фирмата. Во својата одбрана тој тврдеше дека не е виновен за перење пари, даночно затајување, злоупотреба на службената положба, како и дека не бил член на никакво злосторничко здружување за што го товари обвинението. Покрај тоа, Стојановски на денешното рочиште тврдеше дека не им исплатувал пари во готовина на сообвинетите Дарко Перушевски и Анета Кочишки. Тој тврди дека платата на вработените им била префрлана на нивните трансакциски сметки и дека не знаел за никакви списоци на вработени на кои платата им била исплатувана во готовина. Денеска својата одбрана пред Судскиот совет на Кривичниот суд, треба да ја даде и сметководителката на А1 телевизија, Славица Маринковска, Наташа Крстаноска, администратор во А1 ТВ и управителот на печатницата „Мисирков“, Слободан Пејовски.

Во средата по исказот на поранешниот директор на А1 телевизија Дарко Перушевски, своја одбрана даваа и Ѓултен Џемаили, којашто поради здравствени причини се бранеше со молчење. /крај/фф