Свет
Еден убиен и десетина ранети во судирите во Либан
Едно лице загинало, а десетици се ранети во обновените судири во понеделникот меѓу сунитските муслимани и алавитите (шиитска секта на исламот) во градот Триполи во северниот дел на Либан, јавија локалните медиуми.
Според Синхуа којашто се повикува на либанската државна телевизија, во судирите ранети се десет лица, додека Reuters наведува дека iима двајца загинати а бројот на повредени е повеќе од 20 луѓе.
Претходно либанските власти соопштија дека во неделата навечер воспоставила ред и мир во Триполи, каде што жестоки борби започнаа во саботата меѓу сириските муслимански фракции, во кои загинаа најмалку три лица.
Се претпоставува дека причината за насилството е апсењето во саботата попладне на сунитот Шахди Мавлави, под сомнение дека е припадник на „терористичка група“ којашто дејствува во соседна Сирија.
Повеќето од околу половина милион население на Триполи, вториот по големина град на Либан, се сунити. Покрај тоа, во градот живеат и околу 50 илјади алавити и извесен број христијани. Истовремено, Триполи е познат како бастион на конзервативниот сунитски ислам во Либан.
Конфликтот меѓу владата и опозицијата во соседна Сирија, често се одразува во северниот дел на Либан. Многу сунитски жители на Триполи се гневни поради операциите на Дамаск, за задушување на анти-владините протести. Од друга страна, пак, либанските алавити, чиишто истоверци доминираат во власт во Сирија, го поддржуваат сирискиот претседател Башар ал-Асад.
Либанските алавити активно ги поддржа активностите на Сирија во Либан за време на либанската граѓанска војна (1975-1990 година). Во 1980-те години Триполи беше арена на жестоки борби меѓу сириската армија и поддржаните од нив алавити, од една страна, и сунитските фракции од друга страна.
Сириската армија навлезе во Либан во 1976 година по избувнувањето на граѓанската војна во оваа земја, и ја напушти во 2005 година. И покрај ова, сириското влијание во Либан сé уште е големо, официјален Дамаск особено го поддржува либанското шиитско движење Хезболах./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.