Македонија
Македонија може да го зголеми извозот во Русија, но треба да внимава на квалитетот и на цената
Постои простор за зголемување на извозот на македонски производи во Русија, особено од земјоделско-прехранбениот сектор, но треба да се запазат одредени критериуми, особено во погледот на квалитетот и на цената.
Ова беше истакнато во понедлениот на заедичката прес-конференција во Скопје на Стопанската комора на Македонија и на Македонско-руската стопанска комора.
Притоа беше оценето дека Македонија би можела да го зголеми извозот од 30 до 40 отсто во Руската федерација, но треба да се води сметка тоа зголемување да не биде само еднократно, туку да се задржи континутиет на присуство на рускиот пазар.
Санкциите што ги воведе Русија кон државите членки на Евроспакта унија, САД Канада, Норвешка и Австралија ја зголемија побарувачката во Русија за земјоделско-прехранбени производи, но во исто време Русија преговара со државите од Латинска Америка, како и со Казахстан и Узбекистан за да ја задоволи зголемената побарувачка.
Извршниот директор на Македонско-руската стопанска комора, Дејан Бешлиев информираше дека во Русија постои најмногу можност за зголемување на извозот на свежо овошје и зеленчук од Македонија, како и на преработки на овие производ, на вино, лекови и кондиторските производи.
Бешлив смета дека Македонија нема капацитет да го задобовли огромниот руски пазар и вели дека треба да се насочи кон одредени помали региони на Русија.
„Немаме капацитет да ја задоволиме Руската федерација. Не треба да имаме илузи дека ќе задоволиме голем пазар. Наша цел треба да биде да се зголеми она што досега е работено. Ние сме насочени кон тоа производството да се пласира во руските региони, онаму каде што можеме реално да одговориме и онаму каде што можеме да го задржиме континуитетот во идните години, да не помислиме дека ако еднаш извеземе ќе ја завршиме работата“, рече Бешлиев.
Според него, Македонија реално може да го задоволи капацитето на два три региони во Русија, кои немаат повеќе од три милиони жители и додаде дека во Руската федерација има вкупно 148 региони.
„Ние и досега работевме да се зголеми трговско-еконосмката соработка со Русија, а ова го гледам само како еден мал подотворен прозор за да го зголемиме присуството“, рече Бешлиев.
Тој изрази надеж дека новонастанатата состојба би можела да резултира со меѓудржавен договор со кој би се намалиле царините за одредени макеоднски производи.
„Македонија има преференцијален статус за одредени производи, која што изнесува 25 отсто од висината на декларираната царина во Русија. Доставена е нова листа на производи до Руската федерација за кои Македонија бара да бидат намалени царините и се надеваме дека во преговорите кои севодат ќе се успее на побрз начин да се намалат царините“, рече Бешлиев.
Тој напомена дека македонските извозници не треба да ја користат ситуацијата за да ги зголемат цените, бидејќи тоа може да има негативен ефект.
„Не треба да правиме илизуи дека многу ќе го зголемиме извозот, конкурентноста руските увозници ја гледаат во однос на квалитетот со цена. Не сме единствени,економијата е глобална. Имаат многу можности од каде да купуваат. Треба да сме паметни да ги поставиме цените толку добро за да продолжиме подолго да имаме набавка на рускиот пазар на наши производ. Тоа е главата цел“, рече Бешлиев.
Со неговото мислење се сложи и Васко Ристевски од Стопанската комора на Македонија кој рече дека на оваа тема се разговарало на состанокот со производителите и стопанствениците.
„На состанокот со компаниите обративме повеќе внимание на овој проблем. Освен со квалитетот на производот треба да бидеме конкуренти и со цени. Апелирам да не се користи оваа ситуација во моментот.Кога има зголемена побарувачка нашите трговци често пати знаат да ја корегираат цената, но тоа дефинитвно нема да помине затоа што имамве такви случаи во минатото. Треба да бидеме коректи и она што ќе се договори да го испочитуваме бидејќи ќе ја изгубиме дефинитивно можноста за зголемен извоз“, рече Ристевски.
Тој оцени дека со воведувањето на санкциите кои стапија на 7 август, се отвори голема можност за домашните производи, особено за земјоделските, да се пласираат на овој пазар на кој Македонија е малку присутна.
Ристевски истакна дека по завршувањето на есенската берба ќе се утврди колку точно Македонија има вишок кој би можела да го понуди за извоз во Русија и наведе дека во тек се активности со цел да се утврди на кој начин најдобро би можела да се искористи дадената ситуација и да им се помогне на извозниците.
Според статистичките пдоатоци, трговската размена меѓу Македоија и Русија во 2013 година била 195 милиони долари, при што Македонија остварила огромен дефицит.
Македонија остарила извоз од 31,5 милиони долари, при што на земјоделски производи отпаѓаат само 9,6 милиони долари, додека увозот изнесувал 163,6 милиони долари, од што 116 милиони отпаѓа на увоз на енергенси.
Македонските стопанственици досега немале никаков политички притисок во поглед на евентуално ограничување на извозот за Русија и се надеваат дека до такво нешто нема да дојде, но подготвени се да ги следат владините политики. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ковачевски: Поддршката за домашните компании продолжува, СДСМ нема да се откаже од подобра и европска иднина за државата
Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.
Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.
„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.
Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.
„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.
На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.
„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.
При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.
„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.