Автопатот долг 98 милји (приближно 158 километри) во Кина е изграден целосно од роботи. Проектот е дел од автопатот Пекинг-Хонг Конг, а користени се напредни машини од групацијата Sany, со што е постигната милиметарска прецизност, пишува The Economic Times.

Автоматските возила ги дистрибуираа каменот и песокот, по што автономните валјаци вршеа притисок за да обезбедат еднаква и издржлива површина на патот. Беспилотните летала го следеа напредокот на изградбата за да ја задржат топографската точност.

Според извештаите, роботскиот пристап резултирал со побрза градба и поквалитетни резултати во споредба со традиционалните методи. Успехот на овој проект покажува дека роботите би можеле да играат сè поважна улога во идните инфраструктурни проекти.

На проектот соработуваа три државни компании.

Извештаите ги истакнуваат заштедите на трошоците и времето постигнати со овој роботски пристап, иако не се дадени точни бројки, но алгоритмите го оптимизираа процесот на градба, овозможувајќи поголема брзина и прецизност, што го прави овој метод поефикасен од човечката работа.

Проектот беше претставен на инфраструктурна конференција, на која 700 присутни ја набљудуваа автоматизираната технологија во акција.

Во Црна Гора денеска почна дводневен бојкот на малопродажните синџири поради високите цени, на кој повика невладиното здружение „Алтернатива“.

„Се повикуваат жителите на Црна Гора денеска и утре да не пазарат во големите продавници, туку доколку мораат да пазарат во мали продавници со најмногу десет вработени.

Секојдневно сме сведоци на невидени поскапувања на основните производи, додека сопствениците на големи синџири акумулираат профит на сметка на народот“.

Истото невладино здружение минатиот петок организираше бојкот на продавниците во Црна Гора, кога според Даночната управа на Црна Гора, петте најголеми трговски синџири забележаа пад на прометот од 56,14 отсто.

Минатата недела повеќето жители на северниот дел на Црна Гора се одзваа на повикот за бојкот на големите продавници, додека одзивот беше нешто помал во централниот и јужниот дел на Црна Гора.

Унгарскиот премиер Виктор Орбан изјави дека Унгарија ќе бара објавување на сите пари испратени од САД до невладините организации и медиумите кои ја критикуваат неговата влада.

Тој нагласи дека треба да биде јасно кој добива пари од САД, бидејќи, како што тврди, овие организации работат против унгарската влада, пренесе Ројтерс. Тој исто така рече дека средствата што доаѓаат од програмата на Американската агенција за меѓународен развој (УСАИД) мора да бидат транспарентни.

Орбан изјави дека сегашниот американски закон, според кој САД ја поврзува помошта со својата надворешна политика, им дозволува на странските организации да влијаат на унгарската политика.

Исто така, Унгарија минатата година донесе закон со кој се забранува странско финансирање на политички организации, а ЕУ и другите меѓународни организации го критикуваа овој закон.

УСАИД е основана во 1961 година и е една од најголемите официјални агенции за помош во светот, со мисии во повеќе од 100 земји, пред се во Африка, Азија, Латинска Америка, Блискиот Исток и Источна Европа.

Американскиот претседател Доналд Трамп на почетокот на февруари потврди дека ќе ја укине УСАИД, откако неговата администрација објави дека размислува за спојување на УСАИД со Стејт департментот со цел да го намали бројот на вработени во агенцијата и да ги усогласи нејзините трошоци со политиката на Трамп „Америка на прво место“.

Тој, исто така, ги обвини УСАИД и други агенции дека украле милијарди долари за да создадат лажни афирмативни вести за Демократската партија.