Македонија
Собранието го усвои ребалансот на буџетот
Македонското Собрание го усвои денеска ребалансот на Буџетот за 2009 година, со кој што и приходите и расходите се кратат за 3,2 проценти.
Македонското Собрание го усвои денеска ребалансот на Буџетот за 2009 година, со кој што и приходите и расходите се кратат за 3,2 проценти.
Македонските пратеници, со 65 гласа „за” го усвоија ребалансот на Буџетот по тридневна расправа.
Приходите, според ребалансот се проектирани на 138,459 милијарди денари, а расходите на 149,5 милијарди денари.
Дефицитот останува во претходно проектираните рамки со извесно намалување од околу 300 милиони денари, односно ќе изнесува 2,8 проценти од БДП.
Годинава се очекува пад на економијата за 0,6 насто и стапка на инфлација од 0,1 насто.
Приходите, според ребалансот се помали за 3,2 проценти, при што даночните се пониски за 5,7 проценти, а најголемо е намалувањето кај ДДВ за 6,5 проценти, кај персоналниот данок за два процента и кај царините за 16,7 проценти.
На расходната страна намалени се вкупната маса на плати и надоместоци за три проценти, односно за 684 милиони денари. Намалување има и кај ставката за дневници и службени патувања кај која скратувањето кај некои корисници е и до 50 проценти. Социјалните трансфери остануваат непроменети, а зголемување се предвидува за набавка на лекови и вакцини за новиот грип, нема намалување кај исплатата на субвенциите во земјоделството. Капиталните расходи се намалени за 18 проценти.
Од предвидените проекти се одложува набавката на автобусите за градскиот сообраќај во Скопје, а забавена динамика ќе има кај некои проекти како што се набавка на опрема за лаборатории, Музејот на ВМРО, жичарницата на Водно и други.
Причина за носењето на овој ребаланс, кој е втор по ред годинава, е приспособување на трошењето на државата на реалната состојба во стопанството, како и помалата реализација на приходите.
Парламентарното мнозинство смета дека ребалансот ја отсликува реалната состојба во економијата, но според опозицијата вториот ребаланс годинава не нуди решение за излез на државата од кризата./крај/мп/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.