Агенцијата за катастар на недвижности денеска ја презентираше новата интернет услуга, преку АКН – ГИС порталот кој на корисниците ќе им овозможи јавен пристап до податоци од Катастарот на недвижности, вклучувајќи и графички приказ на локација и 2Д и 3Д приказ на теренот и објектите.

Агенцијата за катастар на недвижности денеска ја презентираше новата интернет услуга, преку АКН – ГИС порталот кој на корисниците ќе им овозможи јавен пристап до податоци од Катастарот на недвижности, вклучувајќи и графички приказ на локација и 2Д и 3Д приказ на теренот и објектите. АКН – ГИС порталот претставува географски информационен систем со податоци од Агенцијата за катастар на недвижности, кој дава можност за увид и пребарување во графичката база на податоци по број на парцела или преку пребарување на графичките податоци да се дојде до бројот на парцелата и бројот на имотниот лист. „Воведување на услугата АКН – ГИС портал со 2Д и 3Д функционалности овозможува лесен пристап до податоците за недвижностите од Катастарот на недвижности за целата територија на Македонија“ – истакна на презентацијата на услугата Љупчо Георгиевски, директор на Агенцијата за Катастар на недвижност.Според Елизабета Дукадинова од Катастарот за недвижности овој систем ќе им овозможи на потенцијалните инвеститори од било каде, да дојдат до погодни информации за локацијата каде сакаат да ја реализираат својата инвестиција. „Преку системот можат да ја видат конфигурацијата на теренот, рељефот, поставеноста на самата локација, инфраструктурата. Едноставно со кликнување на парцелата да видат кој е запишан како носител на правата на сопственост за таа парцела во Катастарот на недвижности. Системот овозможува да се види конфигурацијата на теренот, да се види колку е таа локација оддалечена од некој градежен реон доколку истата се наоѓа надвор од населено место, односно да се види самиот приод до локацијата“ – рече ДукадинаоваПорталот исто така нуди преглед, навигација и увид во целата графичка база на податоци. Увид во ортофото и топографски карти, во различни размери и години на снимања, читање и преземање на точки од геодетската мрежа за различни геодетски мерења, увид и пребарување, можност за креирање на сопствена геометрија и размена на документи, можност за координати за било која точка од територијата на Македонија, односно парцелата да се лоцира на графиката преку координати добиени со ГПС уред. Пристапот до порталот е преку веб страницата www. кatastar.gov.mk. Се пристапува без најавување и бесплатно, а податоците се ажурираат на секои 24 часа.Од почетокот на оваа година Агенцијата за Катастар на недвижности ги стави во употреба  услугите Увид во статусот на поднесеното барање, Увид во податоците од катастар на земјиште наменет за сите приватни геодетски фирми и Електронски шалтер за поднесување барања по електронски пат. крај/к.с.