Свет
Гените се виновни за депресијата
Научниците го откриле првите цврсти докази дека варијациите во гените на некои луѓе можат да предизвикаат депресија, една од најчестите и најскапите ментални болести во светот
Научниците го откриле првите цврсти докази дека варијациите во гените на некои луѓе можат да предизвикаат депресија, една од најчестите и најскапите ментални болести во светотМеѓународниот тим на научници, предводен од Британци, ја открил областа на ДНК која е поврзана со депресијата, а независно од нив, една друга група научници во САД дошла до истиот заклучок. „Овие откритија ќе ни помогнат да ги пронајдеме специфичните гени кои се променети кај луѓето со таа болест“, рече Џероум Брин од Институтот за психијатрија при лондонскиот Кралски колеџ. Научниците се надеваат дека откритието ќе овозможи развој на ефективно лечење на болните од депресија, бидејќи моментално достапните лекови за депресија делуваат само кај половината од пациентите. Во првата студија се анализирани повеќе од 800 семејства во ко генерациски се појавува депресијата, додека при втората била истражувана поврзаноста на депресијата со пушењето кај повеќе семејства во Австралија и Финска. Научниците сметаат дека повеќе од 40 проценти од ризикот за развој на депресија носи генетското наследство, а другото зависи од околината и специфичните услови. Британскиот тим сега спроведува генетско секвенционирање на гените помеѓу членовите на семејствата кои учествуваат во првата студија, како би ги пронашле гените и варијациите кои ќе ја докажат поврзаноста. Од депресија во одредена фаза од животот заболува преку 20 проценти од светското население. Тешката и обновлива депресија погодува околу четири проценти од светското население и е многу тешка за лечење. Светската здравствена организација предвидува дека до 2020 година депресиите ќе ги надминат болестите на срцето како здравствено пореметување кое најмногу го оптоварува здравството. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Хаос на првомајскиот протест во Истанбул: Летаa камења, уапсени 210 лица
Бројот на приведени граѓани за време на првомајскиот протест во Истанбул се зголеми на 210, изјави турскиот министер за внатрешни работи Али Јерликаја.
„Приведени се 210 лица кои не ги послушаа предупредувањата и се обидоа да одат на плоштадот Таксим и ги нападнаа нашите полицајци на Денот на трудот и солидарноста, 1 мај во Истанбул“, напиша министерот на платформата „Икс“
Како што јави ТВ каналот ТРТ Хабер, 28 полицајци се повредени кога учесниците на собирот ги нападнале со камења и стапови со знамиња.
На повредените полицајци им била укажана помош во градските болници.
Турската полиција денеска приведе група луѓе кои се обидоа да протестираат на плоштадот Таксим и покрај забраната на владата за првомајски собири, а на неколку претставници на синдикатите им беше дозволен пристап до споменикот на тој плоштад посветен на жртвите од инцидентот на 1 мај 1977 година. кога напаѓач отворил оган кон демонстрантите собрани на тоа место.
Свет
Во Казахстан онлајн се следи судењето на министерот кој до смрт ја претепа сопругата во ресторан
Судењето за убиство на поранешен висок политичар во Казахстан обвинет за претепување на неговата сопруга до смрт го привлече националното внимание и поттикна повици за нова легислатива за справување со семејното насилство. Убиството се случи во ноември минатата година.
За време на судењето на веб-страницата на судот беше прикажано шокантно видео на кое се гледа како казахстанскиот бизнисмен и поранешен министер за економија Куандик Бишимбаев (44) ја тепа својата сопруга во семеен ресторан, пишува „Скај њуз“.
Случајот ја шокираше јавноста бидејќи десетици илјади луѓе потпишаа петиција со која бараат нови закони што ќе спречат вакви случаи во иднина.
Судењето на Бишимбаев е прво во земјата што било емитувано онлајн – што го прави лесно достапно за 19 милиони луѓе во Казахстан. Поранешниот министер веќе беше познат бидејќи во 2018 година беше во затвор поради примање мито. Доби десетгодишна затворска казна, но беше помилуван, па помалку од две години беше зад решетки.
Бишимбаев е обвинет за мачење и убиство на својата сопруга по нејзината смрт во ноември минатата година. Тој со недели тврдеше дека е невин, но минатиот месец пред судот призна дека ја претепал и и’ предизвикал смрт, пишува „Скај њуз“
Неговата сопруга Салтанат Нукенова (31) беше пронајдена мртва во ноември минатата година во ресторан во сопственост на роднина на нејзиниот сопруг.
На вознемирувачко видео од видео надзор се гледа како обвинетиот, татко на четири деца, ја влече својата сопруга за коса, а потоа ја удира со раце и нозе. Жената починала од повреда на мозокот.
Адвокатите на Бишимбаев првично ги оспоруваа медицинските докази кои покажуваат дека Нукенова починала од повеќекратни удари во главата. Таа, исто така, беше прикажана како склона кон љубомора и насилство, иако ниту една од снимките од безбедносните камери на ресторанот прикажани на суд не покажа дека таа го напаѓа сопругот, пренесува Скај.
Според студијата од 2018 година поддржана од UN Women, околу 400 жени годишно умираат како резултат на семејно насилство во Казахстан, иако многу од нив остануваат непријавени.
Свет
Велика Британија почнува да го спроведува планот за депортирање на мигрантите во Руанда
Британските власти почнаа да ги задржуваат мигрантите за да ги подготват за депортација во Руанда во следните девет до 11 недели, објави владата, поставувајќи ја основата за водечката имиграциска политика на премиерот Риши Сунак.
Парламентот во април го одобри законот кој го отвора патот за испраќање на барателите на азил во Руанда доколку останат во Британија без дозвола, а Сунак сака првите летови за Руанда да полетаат веќе во јули.
Владата верува дека оваа политика ќе ги одврати луѓето од опасното патување преку Ла Манш
Досега оваа година повеќе од 7.500 мигранти пристигнале во Англија со брод од Франција. Владата верува дека оваа политика ќе ги одврати луѓето од опасното патување преку Ла Манш. Минатата недела, на пример, пет лица загинаа обидувајќи се да го преминат опасниот канал.
Добротворните организации за човекови права и синдикатите кои се противат на политиката се очекува да започнат нови правни потези за да спречат авионите да полетаат во Руанда, откако Врховниот суд на ОК минатата година ја прогласи политиката за незаконска.
Портпаролот на организацијата рече дека нивната линија за помош примила повици од „неколку десетици луѓе“ кои сè уште не знаат кој е одреден за депортација во првите летови или кога тие ќе почнат да се спроведуваат.