Македонија
ЛДП:Настапот на Груевски беше нетактичен
Лидерот на Либерално-демократската партија(ЛДП) Андреј Жерновски побара од премиерот Никола Груевски да се однесува и да дава изјави согласно врвните национални и државни интереси.
Лидерот на Либерално-демократската партија(ЛДП) Андреј Жерновски побара од премиерот Никола Груевски да се однесува и да дава изјави согласно врвните национални и државни интереси.„Врвните македонски раководители, посебно Премиерот, мора да се однесуваат и да даваат изјави согласно врвните национални и државни интереси на Македонија. Во тие настапи не смее да има место за емоции, зборови или констатации кои може да им наштетат на долгорочните интереси на Македонија. Сметам дека неговиот настап беше крајно нетактичен и дека во овој момент не ни треба војна со Европската Унија. Напротив, потребно ни е обновување на тешко стекнатите и создавање на нови пријателства и контакти во Брисел. Не можеме да бараме прием во европскиот клуб и истовремено да упатуваме кон нив канонада од остри напади“, рече Жерновски на денешната прес конференција.Тој побара од Владата, доколку има некаква друга алтернатива, да и ја соопшти на македонската јавност.„Не смееме да влеземе во конфликт со целиот свет и во филмот на заговор само затоа што не ни се допаѓа актуелниот Извештај. Ако оваа Влада смета дека за Македонија постои некоја друга алтернатива, тогаш треба тоа јасно да и’ го соопшти на домашната јавност. На крајот на крајот на краиштата, зарем не разбираме дека со ваквото однесување работиме токму во интерес на нашите јужни соседи?“, рече лидерот на ЛДП. ЛДП го осудува фактот што придавката „македонски“ не е употребена во Извештајот и ја повикува ЕК да остане доследна до своите демократски вредности за почитување на идентитетот на секој граѓанин, што подразбира и почитување на националниот, етничкиот и културниот идентитет на Македонците. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВРЕДИ: Елми Азири подготвен да го потоне ДУИ
„Елми Азири, пратеник од таканаречениот Европски фронт, во телевизиска изјава јавно призна дека учествувал на состанокот одржан во собраниска канцеларијата 161!“, велат од ВРЕДИ.
„Со оваа, пратеникот Азири го призна тоа што Коалицијата ВЛЕН го зборува во контуинитет: Состанокот помеѓу ВМРО и ДУИ заедно со нејзините сателити се случил на барање на Али Ахмети пред основањето на Владата. Средбата е одржана во Собрание во канцеларијата 161. На тој фамозен состанок присуствувале Блерим Беџети, Елми Азири и Мендух Тачи.
Оваа „европска“ тројка коленичела пред претставниците на ВМРО со цел да издејствуваат да станат дел од Владата наместо ВРЕДИ со само четири министри и без претседател на Собрание. Дури, нуделе на локалните избори да сработат ВМРО да добие Македонци за Градоначалници на Кичево и Струга и да направат список на поранешни функционери на ДУИ кои Ахмети бил подготвен да ги жртвува само за да ги спаси своите внуци.
Со оваа јавно признавање, паднаа сите маски. Се потврди дека „Европскиот фронт” за да ги спаси своите поранешни функционери од кривична одговорност за сторена политичка корупција нема дно кое може да го пробие“, соопштуваат од коалицијата ВРЕДИ.
Македонија
Наутро студено, преку денот сончево со умерена локална облачност
Наутро студено, преку денот сончево со мала до умерена локална облачност. Ќе дува слаб до умерен ветер од југоисточен правец. Минималната температура ќе биде во интервал од -2 до 7, а максималната ќе достигне од 19 до 25 степени.
Во Скопје утрото посвежо, а преку денот претежно сончево со слаб југоисточен ветер. Минималната температура ќе се спушти до 4, а максималната ќе достигне до 25 степени.
Во четврток попладне претежно во западните подрачја ќе има повремен дожд.
Под влијание на циклонска активност во петок и за време на викендот на повеќе места ќе има повремени врнежи од дожд кои наместа ќе бидат пообилни, проследени со грмежи и засилен ветер. Локално ќе има услови за појава на невреме.
Скопје
Без вода Кисела Вода и Центар
Од ЈП Водовод и Канализација известуваат дека денеска имаат планирано две интервенции во водоводната мрежа.
– поради изведување на водоводен приклучок ф- 200 мм на улицата Борис Трајковски бб, прекинато водоснабдување ќе имаат корисниците на дел од истата улица, односно зградите од комплексот „Трим & Лум“. Водоснабдувањето ќе биде прекинато од 09:00 часот до завршување со работните активности. (општина Кисела Вода)
– поради менување на вентил ¾ на улица Македонија 16, прекинато водоснабдување ќе имаат корисниците на дел од истата улица. Водоснабдувањето ќе биде прекинато од 09:00 часот до завршување со санација на дефектот. (општина Центар)