Македонија
ВМРО-ДПМНЕ: СДСМ да се врати во Собрание и да одиме на избори

ВМРО-ДПМНЕ денеска ги повика пратениците од СДСМ да се вратат во парламентот и да се распишат предвремени парламентарни избори.
ВМРО-ДПМНЕ денеска ги повика пратениците од СДСМ да се вратат во парламентот и да се распишат предвремени парламентарни избори.На тој начин, според владејачката партија, СДСМ ќе придонесе за демократијата во земјата. „Ако СДСМ сака да придонесе за демократијата, и ако сака и ја почитува демократијата тогаш треба да се врати во Собрание и да одиме на избори. ВМРО-ДПМНЕ нема да се штеди ниту пак воздржува да ги примени сите легитимни, законски и демократски средства за да обезбеди непречено функционирање на демократијата. Има моменти кога демократијата се обезбедува по секоја цена. Ние се наоѓаме во таков момент и ние ќе ја обезбедиме демократијата. Македонската демократија ниту може ниту ќе зависи исклучиво од волјата и личниот каприц на Бранко Црвенковски“, изјави партискиот портпарол Александар Бичиклиски. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.