Економија
Најголемите кредитори се согласија со отписот на грчкиот долг
Група големи грчки заемодавачи ја прифатија програмата за преструктуирање на грчкиот долгот (PSI), соопшти во понеделникот Институтот за меѓународни финансии (IIF), кој преставува најголем дел од приватните доверители на Грција.
Група големи грчки заемодавачи ја прифатија програмата за преструктуирање на грчкиот долгот (PSI), соопшти во понеделникот Институтот за меѓународни финансии (IIF), кој преставува најголем дел од приватните доверители на Грција.На листата од 12-те најголеми доверители на грчкиот долг се наоѓаат најголемите германски банки „ Commerzbank“ и „Deutsche Bank“, француската банка „BNP Paribas“, грчките „National Bank of Greece“ и „Eurobank EFG“, како и германската осигурителна компанија „Allianz.Европските приватни банки и осигурителни компании на 21-ви февруари начелно се согласија да отпишат 107 од вкупно 200 милијарди евра грчки државни обврзници коишто се во нивен посед, од што голем дел е кај грчките банки, а од водечките европски банки покрај споменатите „BNP Paribas“ и „Commerzbank“, предничи и белгиската банка „Dexia“.Наведените податоци ги доставија самите институции и се однесуваат на состојбата од крајот на септември 2011 година, освен во случаите во коишто поинаку е наведено.Од грчките банки најмногу државен долг поседува NBG во износ од 8,7 милијарди евра, а следат „Piraeus bank“ со 7,7 милијарди, „Eurobank“ со 6.9 милијарди и „Alpha Bank“ со 3,1 милијарди евра. Меѓу водечките европски банки далеку најмногу грчки државен долг држи француската банка „BNP Paribas“ со 1,6 милијарди евра, според податоците од крајот октомври 2011 година, германската банка „Commerzbank“ со 1,4 милијарди и белгиската банка „Dexia“ со 1,3 милијарди банки. Значајни суми од грчките државни обврзници меѓу француските банки има и кај „Societe Generаle“ во износ од 800 милиони евра.Италијанските банки се помалку изложени на грчкиот јавен долг, па така „Intesa Sanpaolo“ поседува 586 милиони евра, „UniCredit“ 221 милиони а „Mediobanca“ 200 милиони евра. Кај австриските банки најголем износ од грчкиот државен долг е пријавен од страна на банката „Volksbank“ од 60 милиони евра, додека според податокот од крајот на октомври 2011 година кај „Erste Group“ има 13,1 милиони евра. Швајцарските банкарски гиганти „Credit Suisse“ и UBS поседуваат 83 односно 53 милиони евра. Од британските банки најголем износ од грчкиот државен долг држи „Royal Bank of Scotland“ во висина од 822 милиони евра, според податокот од крајот на 2011 година. Меѓу водечките европски осигурителни компании најголеми износи од грчкиот државен долг држат германските „Allianz“ со 500 милиони евра и „Munich Re“ со 400 милиони евра според податоците од крајот на 2011 година, француската AXA со 300 милиони евра од крајот на април 2011 година, италијанската „Generali Group“ со 200 милијарди евра, австриските „Uniqa“ со 174 милиони евра и „Vienna Insurance Group“ (VIG) со 9,7 милиони евра, според податокот од крајот на 2011 година. Повеќето од приватните грчки кредитори веќе на име средства за резервирање издвоиле најмалку 55 отсто од вредноста на грчкиот државни обврзници во нивен посед, а најновите отписи евидентирани се во деловните извештаи за целата мината година.Вкупниот трошок на отписот со кој на крајот банките и осигурителните компании ќе известат, би можел да изгледа значително поголем, бидејќи во пресметката за вкупните загуби ги вклучуваат и загубените добивки за целиот период на траење на долгот.Ова соопштение на големите грчки кредитори доаѓа во време на стравувањата дека грчкото преструктуирање на долгот може да биде неуспешно поради малиот процент на учество на доверителите. Крајниот рок за поднесување на апликациите е до полноќ на 8-ми март, а самата зделка треба да се биде реализирана до 20-ти март, кога Грција треба да исплати кредити за обврзници во висина од 14,5 милијарди долари. Без реструктиурањето на долгот, односно отписот, на земјата и’ се заканува банкрот.Успешното спроведување на договорот со приватните кредитори за отпис на 107 милијарди евра долг е предуслов за Грција да ја добие преостанатата сума од другиот пакет меѓународна финансиска помош за спасување од 130 милијарди евра.Приватните инвеститори имаат рок до четвртокот на полноќ да одлучат конечно дали ќе ги заменат грчките обврзници коишто ги имаат во сопственост за нови со помала номинална вредност на 53 отсто, со пониски каматни стапки и подолг рок на отплата.Тие ќе изгубат околу 75 отсто од вредноста на своите обврзници, но за возврат веднаш ќе добијат дел од парите кои им ги должи Атина и барем ќе имаат надеж дека уште нешто ќе им биде вратено во следните 30 години.Грција без тој договор за отпис на дел од долгот и новата помош за спасување би банкротирала за неколку седмици, со што би го потресла светскиот финансиските систем.Од грчка страна беше соопштено дека доколку приватните доверители не сакаат да отпишат повеќе од две третини од нејзиниот долг, што е потребни за успешно спроведување на планот, ќе биде преземена постапката на колективно дејствување, што овозможува размена на долгот со малцинството иматели на нејзините обврзнициРејтинг агенциите го оценија ваквото обраќање кон инвеститорите како промена на условите на кредитот, при што заемопримачот влегува ретроактивно, и ќе доведе до технички банкрот. Како резултат на тоа, агенцијата Standard and Poor’s го намали рејтингот на Грција на „селективен банкрот“ (SD), додека Moody’s го симна долгорочниот рејтинг на земјата на најниското ниво на неговата скала, на предбанкротно ниво „С“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.