Регион
Словенечки медиуми: Словенија згреши во случајот со Харадинај
Словенија направи „непотребни лични грешки“ со апсењето на поранешниот косовски премиер Рамуш Харадинај и со одземањето на неговиот пасош, оценува словенечкиот весник Dnevnik.
Весникот додава дека грешките се направени без оглед на тоа дали меѓународната потерница против Харадинај е важечка или не.
„Кога Приштина хистерично реагира на апсењето, Словенија на некој начин ја доведува во прашање целата постапка на нејзината граница и својот суд. Фатена во непотребна политизација поради тоа што премиерот Миро Церар вети дека ќе се забрза судската постапка и бидејќи министерот за надворешни работи Карл Ерјавец рече дека Харадинај нема да ѝ биде испорачан на Србија, дури и во случај судот да го побара тоа“, пишува весникот, пренесува словенечката новинска агенција STA.
Натаму Dnevnik наведува дека ова било „храбра изјава со оглед на тоа што е нејасно кои се обвинувањата на Србија против Харадинај“.
Меѓутоа, работите се движат во целосно друг правец отколку кога Швајцарија се најде во слична ситуација пред десетина дена, кога го уапси поранешниот командант на Армијата на Босна и Херцеговина (БиХ), Насер Орлиќ.
Сараевските претставници тогаш не ги критикуваа шварјцарските власти, туку својата влаада поради тоа што не дошло до бришење на меѓународниот налог за неговото апсење, по ослободителната пресуда на Хашкиот трибунал.
Од моментот кога Приштина призна дека проверила со другите земји дали Харадинај би можел да има проблем на нивните аеродроми, но не сметала дека е неопходно тоа да го направи и со Словенија, Dnevnik не наоѓа причина поради која „словенечките политичари треба да се чувствуваат лошо во врска со инцидентот“.
„Иако Харадинај најверојатно не предизвикал дипломатски инцидент, тој и натаму `неправедно го доведувa во прашање пријателството меѓу Словенија и Косово` поради што Словенија би требало да го третира како и сите останати, токму како и Швајцарија“, оценува словенечки Dnevnik“.
Чекајќи да го добие назад својот пасош, пак, Харадинај ја обвини Словенија дека игра „валкана игра со Албанците“, бидејќи „почитува потерница од држава која веќе не постои“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.