Македонија
Преглед на печат / Македонија
„Дневник“ – во тестот од насловната страница „Три илјади ’кодоши’ бегаат од лустрацијата“, го цитира претседателот на Комисијата за верификација на фактите или попопуларно кажано за лустрација,
„Дневник“
во тестот од насловната страница „Три илјади ’кодоши’ бегаат од лустрацијата“, го цитира претседателот на Комисијата за верификација на фактите или попопуларно кажано за лустрација, кој вели дека законски обврзниците кои не поднеле изјава за несоработка со тајните служби автоматски добиваат забрана за вршење јавна функција, додека самата Комисија по автоматизам врши проверка дали биле соработници на тајните служби. Според податоците на комисијата, околу три илјади вршители на јавни функции не ја испочитувале законската обврска дека не соработувале со тајните структури.„Нова Македонија“
во „Резервистите поризични од професионалците“, навраќајќи се на поствоениот синдром пишува дека посебен проблем претставува и фактот што ретко кој од лицата ангажирани во одбрана на земјата во 2001 година се одлучува да побара стручна помош. Бранителите кои учествувале во редовите на МВР и АРМ во конфликтот пред десет години се поизложени на поствоениот синдром отколку припадниците на професионалните единици на безбедносните сили, кои се претходно обучувани за справување со ваквиот тип живот, велат експертите за весникот. Семејно насилство, убиства и самоубиства се последици од пострауматското растројство или ПВС, што резултира со нагло зголемување на самоубиствата на бранителите од 2001 година како последица на каење за своите постапки од кои најчесто страда се семејството, наведуваат психијатрите„Утрински весник“
под наслов „Само еден сведок против Љубе Бошкоски“, на насловната страница наведува дека целото обвинение против поранешниот министер за внатрешни работи и лидер на опозициската Обединети за Македонија, кој беше уапсен само еден ден по изборите од 5-ти јуни, е собрано на десетина редови. Тоа, како што пишува весникот, бил сублиматот од тримесечната истрага, во која се наведува дека постои само еден сведок. Весникот, повикувајќи се на еден од бранителите на Бошкоски, заклучува дека обвинителниот акт со кој некогашниот претседателски кандидат е обвинет за нелегално финансирање на изборна кампања и за злоупотреба на службената положба и овластувања, е речиси идентично со барањето за поведување истрагата против Бошкоски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот за јавна администрација, Горан Минчев, оствари средба со ЕУ Амбасадорот Рокас
Министерот за јавна администрација, Горан Минчев, одржа средба со новиот ЕУ Аамбасадор, Н.Е. Михалис Рокас. На овој состанок се разгледаа тековните и планираните иницијативи на Министерството, со акцент на реформите во јавниот сектор.
Двајцата соговорници истакнаа значајната улога на Европската Унија како клучен партнер во напорите за подобрување на јавната администрација. Министерот Минчев посочи дека оваа средба е значаен чекор кон создавање на професионална и квалитетна јавна администрација, која ќе служи на граѓаните.
Амбасадорот Рокас потврди дека ЕУ е подготвена да обезбеди поддршка и ресурси за реформите, кои ќе имаат позитивен ефект не само на вработените во јавниот сектор, туку и на целото општество. Тој нагласи важноста на редовниот дијалог за поддршка на реформите, со цел подобрување на јавната администрација.
Министерот Минчев нагласи дека владата чекори по европскиот пат и дека нема друга алтернатива. Соработката со ЕУ е клучна за креирање квалитетни закони, кои ќе бидат ефективно имплементирани во иднина.
На крајот, Министерот Минчев го запозна Амбасадорот Рокас со активностите на Министерството за јавна администрација во изминатите 90 дена. Амбасадорот ги поздрави напорите на Министерството за јавна администрација и целата Влада за почетокот на реформската агенда , како и планот и роковникот за истата.
Македонија
Склучен Меморандум за соработка помеѓу Државниот завод за статистика и Царинската управа
Државниот завод за статистика електронски ќе ги презема податоците за надворешна трговија од Царинската управа. Ова е утврдено со Меморандумот за соработка, што беше потпишан од страна на директорот на Државниот завод за статистика, Дејан Станков и директорот на Царинската управа, Бобан Николовски.
„Преземањето на податоците од Царинската управа преку веб-сервиси е особено важно за обезбедување навременост и заштита на податоците како и понатамошно хармонизирање, модернизирање и унапредување на системите“ истакна Станков.
Директорот Станков, на денешното потпишување на Меморандумот, потенцираше дека институцијата вложува напори за дигитализација на процесите и зголемено користење на административните извори при продукција на официјалните статистички податоци.
Меморандумот е во насока на унапредување на меѓуинституционалната соработка преку размена на податоци и повисок степен на дигитализација.
„Царинската управа е посветена на процесот на унапредување на меѓуинституционалната соработка, што крајно треба да ни овозможи креирање одржлив економски раст. Ваквиот чекор е само дел од нашите заложби за заедничко делување во насока на подобрување на условите за водење бизнис. Сетовите на податоци што ги обезбедуваме во делот на надворешно трговската размена овозможуваат компаниите да направат истражување на пазарот и дефинирање на нивните стратегии, за економски студии, но и за унапредување на трговските политики на државно ниво“, истакна директорот на Царинската управа, Бобан Николовски.
И двете страни ја искажаа својата заложба за натамошно продлабочување на соработката, а потпишувањето на Меморандумот ги зајакнува и унапредува веќе воспоставените практики на размена на информации и податоци.
Македонија
Честитка од претседателката Сиљановска Давкова по повод 28 Септември, Меѓународниот ден на Бошњаците
Претседателката Гордана Сиљановска Давкова упати честитка до припадниците на бошњачката заедница, по повод 28 Септември, Меѓународниот ден на Бошњаците.
„Почитувани сограѓани Бошњаци, дозволете ми, во мое лично име и во името на македонските граѓани од останатите етнички заедници во Македонија, да ви го честитам 28 Септември ̶ Меѓународниот ден на Бошњаците. Посакувам празникот да го минете во пријатна атмосфера и во заедништво со вашите најблиски, исполнети со радост и со среќа. Горди сме што Бошњачката заедница има свој празник којшто достоинствено се прославува и придонесува за промоција на нејзината историја и на културните традиции кои се составен дел од македонското општество. Соживотот во нашата татковина е резултат на почит, уважување и солидарност. Да не дозволиме овие вредности да бидат загрозени и нарушени, и да продолжиме да работиме на напредокот и на благосостојбата на нашата заедничка татковина. Предизвиците со кои се соочуваме како држава нè тангираат сите и тие не бираат пол, религија, етникум. Сите сме под исто небо. Обединети да ја оствариме визијата за нашата татковина, како демократска, правна и развиена држава. Нека ни е честит празникот“, стои во честитката.