Индексот Dow Jones зајакна за 0,26 отсто на 12.391 поени, додека S&P 500 порасна за 0.23 отсто на 1.280 поени а индексот Nasdaq 0,09 на 1.676 поени.

Во понеделникот на Волстрит цените на кациите забележаа благ пораст, но обемот на тргувањето беше слаб бидејќи инвеститорите беа претпазливи пред почетокот на објавувањата на деловните резултати на компаниите и аукцијата на италијанските и шпанските обврзници. Индексот Dow Jones зајакна за 0,26 отсто на 12.391 поени, додека S&P 500 порасна за 0.23 отсто на 1.280 поени а индексот Nasdaq 0,09 на 1.676 поени. Откако годината започна со силен раст на цените на акциите, последните денови пазарот се примири бидејќи инвеститорите претпазливо ги очекуваат новите вести. Во центарот на нивното внимание е сезоната на објавување на кварталните деловни резултати на компаниите, која започна по затворањето на Волстрит за „Alcoа“.Најголемиот американски производител на алуминиум во последното минатогодишно тримесечје оствари загуба од околу 190 милиони долари, додека во истиот период од претходната година работеше со добивка од 170 милиони долари. Меѓутоа, тоа беше очекувано, имајќи го предвид падот на цените на алуминиумот на светските пазари. Од друга страна, приходите на компанијата се зголемија повеќе од очекувањата, а раководството на „Alcoа“во годинава очекува раст на побарувачката на алуминиум, па по објавувањето на извештајот цените на акциите пораснаа.Вниманието на инвеститорите во понеделникот беше свртено и кон состанокот на германската канцеларка Ангела Меркел и францускиот претседател Николас Саркози, на кој двајцата начелно се договорија околу данокот на финансиските трансакции, а Грција ја предупредија дека нема да го добие новиот пакет од помошта доколку со банките не договори заменување на обврзниците. Меѓутоа, како и многуте состаноци на челниците на еврозоната последните месеци, ниту овој меѓу Меркел и Саркози не ги убеди инвеститорите дека е близу надминувањето на должничката криза во еврозоната. Поради тоа, претпазливо се очекуваат аукциите на државните обврзници на Италија и на Шпанија кои треба да се одржат подоцна во текот на оваа седмица, кои ќе покажат колку инвеститорите се заинтересирани за купување на новите државни долгови.На претпазливоста на инвеститорите укажува и слабиот обем на тргувањето. Така, во понеделникот на Волстрит, Американ сток ексџејнџ и Насдак, сопствениците ги замениле само 5,9 милијарди акции наспроти минатогодишниот дневен просек од 7.8 милијарди акции.На европските берзи, пак, во понеделникот беше регистриран пад на акциите. Така индексот на лондонската берза FTSE 100 падна за 0,66 отсто на 5.612 отсто, индексот на франкфуртската берза на DAX за 0,67 проценти на 6.017 поени а индексот на париската берза CAC 40 се намали за 0.31 отсто на 3.127 индексни поени./крај/ро/мф/сн