Во Македонија нема смртни случаи од астма, благодарение на антиастматичната кампања која ја води државата за контрола на астмата“ – истакна Ангелко Ѓорчев национален координатор за астма во Македонија, по повод светскиот ден на астмата, 3 Мај.

Во Македонија нема смртни случаи од астма, благодарение на антиастматичната кампања која ја води државата за контрола на астмата“ – истакна Ангелко Ѓорчев национален координатор за астма во Македонија, по повод светскиот ден на астмата, 3 Мај.Оваа година одбележувањето на денот на астмата се фокусира на поимот контрола на астмата под мотото „Можете да ја контролирате Вашата астма“.„21 век е век на алергиските болести и век на астмата. Имаме епидемија на алергиските болести и на астмата. Денеска во светот сме присутни на еден феномен со кој што сите општества, а особено здравствениот персонал ќе бидат преокупирани во еден голем процент со оваа енигматска, мистериозна и митска болест за која што велат дека е една од најтешките болести во целата медицина“ – рече ЃорчевВо Македонија има околу 100 илјади болни од астма, а секоја година има по околу 100 нови заболени лица. Според Глобалната Иницијатива за Астма (ГИНА) контролата врз болеста е постигната само ако болниот нема симптоми на астма, не постојат ноќни будења поради болеста, поретко употребување на лекови за “олеснување“ на тегобите, има нормална или скоро нормална белодробна функција, нема напади и не постојат ограничувања во секојдневните активности. Според Ѓорчев астмата може да се контрола и болните се поретко се хоспитализираат. Во дури 51 процент од болните можат да бидат контролирани благодарение на седумте превентивни инхалатори кои можат да се најдат на позитивната листа.Астмата како светски проблем не покажува само тенденција на пораст во Македонија, туку  тоа е светски тренд. Во Нов Зеланд 33 проценти од населението боледува од астма, Во САД има 19 милиони болни од астма. Јапонија има најмала тенденција на пораст.300 милиони астматичари живеат во моментов во светот. До 2020 година се очекуваат уште 100 милиони нови астматичари и тоа во најголем број има во земјите со висок развој, а најголем фактор е животната средина.„Појавата и зголемувањето на бројот на случаи од астма е веројатно резултат на таа интеракција на се поагресивната надворешна околина и се пожестоката реакција на организмот на оваа агресија од околината“ – вели Ангелко Ѓорчев   На минатогодишното одбележување на Светскиот ден на астмата, ГИНА лансираше глобална кампања, со цел да ги поттикне властите и здравствените институции да се ангажираат за подобрување на контролата на астмата, со цел да се намали хоспитализацијата на болните за 50 отсто до 2015 година. Оваа кампања резултираше позитивно а доказ за тоа е намалениот број на лица болни од мистичната болест.Од 1996 година, на Клиниката за пулмологија и алергологија функционира еден од првите Центри за астма во Европа, а воспоставена е мрежа од 13 регионални центри за астма во поголемите градови низ земјава. крај/к.с.