Свет
Во Тунис повеќе од илјада демонстранти

Преку илјада демонстранти протестираа денеска во центарот на туниската престолнина поради новоформираната влада, во која има министри од кабинетот на поранешниот претседател Зин Ел Абибин Бен Али.„Сакаме нов парламент, нов устав и нова република“, порачаа демонстрантите, чии протести беа следени од голем број на припадници на силите за безбедност. Демонстрантите го повикаа народот да им се спротистави на поддржувачите на Бен Али, кој се наоѓа во егзил во Саудиска Арабија. На еден од плакатите пишувало дека сегашниот министер за финансии е пријател со семејството на сопругата на Бен Али, додека на друг транспарент се бараше исфрлање на партијата на екс претседателот РЦД. Полковникот на полицијата Неџмедин Зегули за агенцијата Франс прес изјави дека полицијата добила наредба да не ги напаѓа демонстрантите и да не фрла солзавец во толпата. Демонстрации во повеќе градови во Тунис беа организирани и во текот на вчерашниот ден. Четворица министри од опозицијата објавија дека ја напуштиле 24-члената новоформираната влада на национален спас, чија задача е за шест месеци да подготви општи избори. крај/бета/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.