Македонија
Прилепската болница доби нови апарати за лекување
Ортопедското одделение во прилепската градска болница „Борка Талески“ доби два нови апарати за лекување. Станува збор за ДЕКСА-апарат за дијагностицирање и лекување на остеопороза и апарат за помош при отстранување болки во зглобовите.
Новите методи во вторник ги промовираше директорката на Фондот за здравствено осигурување на Македонија (ФЗОМ), Маја Пернарџиева Змејкова која истакна дека од јануари болницата добила дополнителни 30 милиони денари.
„Фондот ги поттикнува здравствените установи да го прошируваат обемот на здравствените услуги. Токму во таа насока е и воведувањето на двете нови методи за лекување на пациентите и услугите не мора да ги бараат во странство, ниту да доаѓаат на преглед на клиниките во Скопје”, изјави Пернарџиева Змејкова.
На новинарско прашање што се случува во сметката на болницата која е блокирана, таа вели дека болницата редовно функционира.
„Неплатените договори се со години и треба постепено болницата да ги решава обврските, но со сигурност констатирам дека ниту доцнат платите на вработените, тоа воопшто не е загрозено, ниту има застој во давањето здравствени услуги”, рече директорката на ФЗОМ.
Директорот на болницата Илија Богатиновски рече дека од први мај ќе може да се закажува термин за новите апарати, а методот за болки во коленото се применува првпат во внатрешноста на земјата.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.