Свет
Абрамович изјави пред судот дека легално купувал од Березовски
Рускиот милијардер и сопственик на англискиот премиерлигаш Челзи, Роман Абрамович кој и во средата продолжи да дава искази пред Високиот суд во Лондон, тврди дека исплатата на Борис Березовски, за удел компанијата „Сибнефт“
Рускиот милијардер и сопственик на англискиот премиерлигаш Челзи, Роман Абрамович кој и во средата продолжи да дава искази пред Високиот суд во Лондон, тврди дека исплатата на Борис Березовски, за удел компанијата „Сибнефт“ била спроведена легално и одрекува употреба на какви да се нелегални шеми во бизнисот со алуминиумот, пренесува РИА Новости.Поранешниот гувернер на руската губернија Чукотка е тужен со побарување од повеќе милијарди од страна на сега осудениот и затворен руски милијардер Борис Березовски, кој тврди дека Абрамович пред десет години, со закани и уцени го принудил да му ги продаде акциите на нафтената компанија „Сибнефт“ по пониска цена. Березовски тогаш добил 1,3 милијарди долари, како што тврди, за својот удел во компанијата. Абрамович вели дека тужителот никогаш не бил акционер на „Сибнефт“ и парите ги добил за обезбедување на заштита на уделот или ткн „покрив’.Средствата биле префрлени кога Березовски веќе бил во странство, па тој и неговиот партнер, Бадри Патаркацишвили барале да им бидат префрлени на сметки во западните банки. Абрамович негира дека за тоа користел криминални шеми, вклучувајќи и трансфери преку банката на неименуван шеик од Абу Даби.„Ние им ги дадовме парите од трговијата со алуминиум и му ги дадовме дадовме акциите на доносителот“, рекол Абрамович во судот во Лондон, ги цитира неговите зборови РИА Новости. Овој метод на плаќање за делови од „услугите“ на Березовски и на неговото опкружување, Абрамович и неговиот ортак Евгениј Швидлер го избрале по разгледувањето на различни опции како да се изврши трансферот на парите во западните банки и обезбедувањето документација потребна за службите кои дејствуваат во рамките на борбата против перењето пари.Абрамович, исто така, рече дека не знае преку кои сметки оделе средствата. „Но за, каков вид перење може да се зборува, кога тоа беа легални средства заработени во бизнисот“, додал рускиот милијардер.Овие1,3 милијарди долари биле последната исплата, со која завршиле релациите меѓу Березовски и Абрамович. Доколку Березовски сега тврди дека цената е премногу ниска, Абрамович во лондонскиот суд изјавил оти тој верува дека тие средства, кои според него тужителот наводно постојано ги зголемува, се последните од серијата трансферите коишто ги добивал Березовски.Исто така, Абрамович во судот изјавил дека тој радо би ја платил бараната сума и да ги заврши сите врски со тужителот, така купувајќи си ја за себе „слободата“.„Јас не жалам што му платив. Не сум горд, но мило ми е што го што го сторив тоа, бидејќи јас сум му многу благодарен за она што го стори за компанијата. Да, мислам дека тој имаше право да бара да му се плати, иако 1,3 милијарди долари, можеби, се и спорна бројка“, изјавил обвинетиот Абрамович.Адвокат на Березовски, Лоренс Рабиновиц, сепак, не е убеден дека ова е последната исплата. Кога станува збор за дивидендата, инсистира Рабиновиц, исплатите можеле да продолжат и по 2001 година./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се урна конструкција на рингишпил, повредени 13 деца од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче чиј живот е во опасност и има сериозни повреди на главата и кичмата.
Таа била итно префрлена во КЦ Ниш на Одделот за неврохирургија.
Седум деца се во друга болница каде е во тек понатамошна дијагностика, додека другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.