Свет
Расмусен за приближување на Турција и ЕУ
Генералниот секретар на НАТО, Андерс Расмусен изјави дека земјите од Европската унија треба да ги развиваат воените односи со Турција. На тој начин според него би биле елиминирани сите пречки за нормализација на односите помеѓу ЕУ и НАТО.„Денеска ги повторив своите предлози како треба да продолжиме во иднина“, изјави Расмусен пред новинарите по состанокот со министрите за одбрана земјите членки на ЕУ. Од една страна треба „со Турција да биде заклучен договорот за безбедност и во исто време да и биде понудено место во европската одбранбена агенција“, од друга страна „треба да се потенцира фактот, дека соработката треба да ги вклучи сите земји членки на НАТО и ЕУ“. Расмусен признава дека клучниот проблем е поделбата на Кипар и несогласувањата кои постојат по ова прашање. Турција не е членка на ЕУ, а Кипар не во НАТО алијансата, поради тоа како што вели Расмусен НАТО и ЕУ не можат да разменуваат чувствителни информации кога се водат заеднички операции, и кои бараат совршена координираност. Генералниот секретар на НАТО нагласи дека првиот чекор е направен на 20 ноември, на самиот во Лисабон, каде се поставена „политичката платформа“ за идната соработка на двете организации. крај/хина/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.