Македонија
Владата им врши притисок на бранителите?
Претседателот на „Достоинство“ Стојанче Ангелов изјави дека денеска, пред почетокот на Собранието им бил извршен неверојатен притисок од страна на Владата
„Вакво нешто не очекувавме од владата, на припадниците на Достоинство им се врши поединечен притисок, и добиваат закани дека доколку дојдат денеска ќе бидат прераспоредени на други работни места или ќе бидат избркани во други градови“ изјави Ангелов за медиумите. Истиот притисок е и во армијата, со што дел од припадниците кои не требало да бидат на работа биле повикани на работа, но Ангелов смета дека постигнале својата цел, затоа што граѓаните има дале огромна поддршка. „Во оваа прилика сакам да го потсетам премиерот Груевски на неговата изјава дадена во две емисии кога кажа дека ни бил понуден хрватскиот закон но ние сме го одбиле и дека владата сеуште стои на оваа понуда, но сеуште нема поместување напред“ изјави Ангелов за преговорите со владата. Ангелов негираше дека Достоинство ќе премине во партијата на Љубе Бошковски. „Доколку Бошковски сака да премине во Достоинство ние ќе го прифатиме како бранител број 1 во 2001 година, но не и обратно“ додаде Ангелов. Љубе Бошковски на шпекулациите дека ќе стане член на Достоинство одговори само дека тој е член на Достоинство, почесен претседател и прв бранител, во целиот овој период. Тој потсети дека полицијата и армијата се‘ уште немаат земено плата, но тие имаат разбирање и доколку Владата сака да разговара со Достоинство, тие ќе излезат само со барањата кои нема да се одразат негативно на буџетот, кои воопшто или многу малку би ја чинеле Владата. „Владата досега не исполни ништо освен што ги повлече тужбите од МВР против семејствата за инвалидите и загинатите но ниту едно друго барање не е исполнето“ изјави Ангелов пред почетокот на Собранието. Според Ангелов, денешниот ден 14-ти март кога во 2001 година започна конфликтот, не е порака на помирување со припадниците на УЧК, но работат заедно со Албанците кои лани присуствуваа на протестите со професионалните војници во голем број.
„Помирувањето се случи во 2001 година. Свесни сме дека мораме заедно да живееме и не сакаме да шириме национална нетрпеливост“ рече Ангелов и додаде дека денеска во Селце УЧК ќе одбележат јубилеј од конфликтот.
Здружението на припадници на безбедносните сили на Македонија Достоинство денеска во Универзалната сала во Скопје го одржа своето четврто отворено Генерално собрание.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.