Македонија
Мендух Тачи: Еден народ одлучува во Македонија
Одлучувањето во Македонија е комплетно во рацете на еден народ, во институциите на државата се аплицира, се гледа, се почитува само политичката волја на Македонците, изјави лидерот на ДПА Мендух Тачи во Неделното интервју на Радио Слободна Европа.
Одлучувањето во Македонија е комплетно во рацете на еден народ, во институциите на државата се аплицира, се гледа, се почитува само политичката волја на Македонците, изјави лидерот на ДПА Мендух Тачи во Неделното интервју на Радио Слободна Европа.
Според Тачи, начинот на одлучување не е добар. „Ние сме два народа кои имаат капацитети на државотворност и на „државорастурање“. Начинот на одлучување во институциите треба да биде со целосен консензус меѓу овие два народа. И второ, се работи за буџетот, мислам дека ова е малку попрактична и поразбирлива работа. Буџетот на државата се злоупотребува од страна на еден народ, врз грбот на другиот народ. Ден денеска во некои сегменти на општеството, како култура, образование итн, за Албанците од буџетот на државата се доделува само три насто. Ако вие земате даноци од мене и од тие даноци ми враќате само три отсто, не можам јас да ја доживеам таа држава како моја, можам само да бидам мазохист како господинот Ахмети.“
Владата функционира по консензуален принцип од групи на интереси и непотизам, вели Тачи. „Ако вие ја сметате како голем интерес на Албанците амнестијата што ВМРО-ДПМНЕ и ја даде на ДУИ, јас тоа го сметам како целна група, пет-шест луѓе или лидерот на таа партија кој доби консензус. Мислам дека поразбирливо ќе биде ако само распределбата на буџетот што сега се направи се земе да се анализира, ќе видите дека тука нема никаков консензус, бидејќи ДУИ има само фиктивни позиции или фолклорно-романтична власт“, вели лидерот на опозициската ДПА за РАдио слободна Европа.
„Ако навистина постои битка, а верувам дека постои, за да се зачува идентитетот и името, таа битка не може да се добие по друг пат, таа единствено има смисла директно по патот што не води кон НАТО и ЕУ и мислам дека само така може да се издејствува некаква победа — смета Тачи. – Друг пат не гледам, зашто го залажуваме народот, граѓаните, дека ние ќе опстоиме. Како ќе опстоиме? Второ, повикувам на поголема чувствителност за компромис, сите народи на Балканот направија компромиси. Тие се тешки, но мора да се направат’, изјави, лидерот на ДПА’, Мендух Тачи во интервјуто за Радио Слободна Европа. /крај/рсе/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.