Македонија
Уставниот суд одлучи- нема повластено пензионирање за полицајци
Уставниот суд одлучи да укине два члена од законот за внатрешни работи со кои на полицајците им се овозможуваше пензионирање со 40 годишен работен стаж и избор на 10 најдобри години во плати.
Уставниот суд одлучи да укине два члена од законот за внатрешни работи со кои на полицајците им се овозможуваше пензионирање со 40 годишен работен стаж и избор на 10 најдобри години во плати.
Поради нееднаквост со колегите од армијата и други овластени службени лица, според одлуката на судот, не постои оправданост зошто припадниците на МВР би биле поповластени од другите служби во државата и службеници кои исто така носат оружје и им се заканува постојана опасност по животот.
Исто така, уставниот суд смета дека нема оправданост полицајците да земаат пет отпремнини за разлика од останатите кои добиваат три. Од судот појаснија дека оценка на уставност на одредбите побарале еден скопјанец и двајца граѓани на Битола.
Уставниот суд вчера ја отфрли иницијативата за законитоста на одлуката на општина центар за поставување спомен обележја односно 18 споменици поднесена од архитектот Мирослав Грчев.
Судот смета дека општината има право да донесува вакви програми и дека начинот на реализација е утврден со закон.
На вчерашната седница судот поведе постапка за правилникот за доменот МК во електронското комуницирање. Судот смета дека правилникот не може да функционира како закон и дека навлегол во законодавна материја. /крај/ км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.