Свет
За „Бачило“ ќе им се суди на 23 обвинети
Дваесет и три лица се обвинети за случајот „Бачило“ и незаконска денационализација на државно земјиште.
ЗАВРШИ СУДСКАТА ИСТРАГА
Дваесет и три лица се обвинети за случајот „Бачило“ и незаконска денационализација на државно земјиште. Одделот за организиран криминал и корупција во Обвинителството вчера поднесе обвинение со кое, по завршената судска истрага, ги обвини за злоупотреба на службената положба, перење пари и за измама, зависно од улогата што ја имале во синџирот на малверзациите со купопродажба на државно земјиште.
Првообвинет е нотарот Никола Стоименовиќ, а со него ќе одговараат и поранешниот заменик-министер за економија и претседател на второстепената владина комисија за денационализација, Саша Андоновски, овчарот Иснифарис Џемаили, нотарката Гордана Ракочевиќ, адвокатката Ленче Димчевска, поранешната директорка на скопскиот Катастар, Емилија Алексова, поранешната судијка Марија Дубровска, пензионерот Ордан Милановски и уште 15 лица што учествувале во малверзациите.
Десетмина од обвинетите се во притвор.
Одделот ги товари обвинетите дека го измислиле случајот „Бачило“, во кој на овчарот Џемаили од државната каса му била исплатена отштета од околу 720.000 евра за наводно убиени овци при гранатирање од армиски хеликоптер во 2001 година. Тој задржал само помал дел од парите, а останатите биле користени за купопродажба на државно земјиште, добиено со незаконска денационализација.
Дел од обвинетите ги излажале вистинските сопственици на земјиштето дека ќе ги застапуваат во постапката за денационализација и за него со трети лица, исто така обвинети во случајот, склучувале хипотекрани и фиктивни договори за заем. Со тоа цената на земјиштето била намалувана, а тоа потоа било продавано и препродавано. На тој начин државата била оштетена за вкупно околу шест милиони евра.
(Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во нападот врз Бејрут најмалку 12 лица загинале, а 66 се повредени
Либанското Министерство за здравство соопшти дека најмалку 12 лица загинале а 66 се повредени, од кои девет се во критична состојба, во денешниот изралески напад врз Бејрут.
Вчерашниот израелски напад врз Бејрут следеше откако Хезболах истрела ракети на северот на Израел и во време кога се очекува одмазда во тој регион, бидејќи лидерот на таа шиитска организација Хасан Насрала се закани за овонеделните експлозии на илјадници пејџери и токи-воки.
Јужните предградија на Бејрут биле нападнати за време на сообраќајниот метеж, кога вработените се враќале од работа, а учениците од училиште.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.