Македонија
СДСМ: Дали Владата спроведува и толерира криминал во МРТВ?
По објавените ревизорски извештаи за работата на Македонската радио телевизија опозициската СДСМ прашува дали Владата спроведува и толерира криминал во МРТВ.
По објавените ревизорски извештаи за работата на Македонската радио телевизија опозициската СДСМ прашува дали Владата спроведува и толерира криминал во МРТВ.
„Додека граѓаните плаќаат за партискиот сервис на ВМРО-ДПМНЕ, членовите на Советот на МРТВ си доделиле надоместоци за една година во вредност од речиси половина милион евра. Се поставува прашањето, дали Владата спроведува и толерира криминал во партискиот сервис, додека во исто време води лажна борба против криминалот и корупцијата? Владата за ова молчи, јавниот обвинител од поодамна го преспива криминалот на оваа Влада, а за недокажан долг се затвори најстарата и најгледана приватна телевизија-А1“ вели пратеникот и член на извршен одбор, Јани Макрадули.
Според него ревизорите утврдиле сериозни финансиски проневери во МРТВ, за склучување договори во четири очи и за нереално прикажани приходи од реклами.
„Само за 3 години Владата префрлила повеќе од 30 милиони евра на МРТВ спротивно на Законот за радиодифузна дејност, пари за кои не постои никаков отчет и никој не знае за што се потрошени. На крајот на 2010 година МРТВ има неизмирени обврски спрема државата, што од даноци, што од придонеси, во износ од неверојатни 215 милиони денари. Само висината на тужбите против МРТВ е во вредност од преку 63 милиони денари. Договорот на Слободан Томиќ за емисијата „Отворено со народот“ е целосно нетранспарентен, без прецизирање на бројот на емисии, цената и вредноста. Одговорните во МРТВ само минатата година потрошиле над 118.000 евра за набавки спротивно на Законот. Наплаќањето на Радиодифузната такса од граѓаните се врши врз основа на регистер кој неточно, нецелосно и невистинито ги утврдува побарувањата за наплата“ изјави Макрадули.
Пред неколку дена директорот на МРТВ Ефтим Гаштов си поднесе оставка. На новинарско прашање дали веќе е познат новиот извршен директор на МРТВ, Макрадули вели дека сака да влегува во шпекулациите во јавноста.
„Не би ме изненадило ако човекот кој што е одговорен за еден портал ,а сите знаеме како функционира,кој што неколку месеци се појавува во МРТВ дека тој ќе биде наследникот на господинот Ефтим Гаштов.Времето ќе покаже дали господинот докажан функционер на ВМРО-ДПМНЕ од тој портал ќе се префрли во МРТВ и дали господинот Гаштов ќе добие повисока и подобра позиција од оваа што сега ја имаше“ изјави Макрадули./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Центар и Сарај в понеделник без вода
Од ЈП Водовод и Канализација, известуваат дека зафатот кој беше најавен за денеска поради одредени технички пречки се одложува за понеделник.
Поради изведување на водоводен приклучок ф-100мм на ул. Христо Смирненски 13, од 09:00 часот до завршување на интервенцијата, прекинато водоснабдување ќе имаат корисниците од дел од истата улица, поточно потегот од Зур – Маркет до бул. Партизански Одреди, во општина Центар.
Исто така во понеделник ќе се изврши редовно чистење на резервоарот за питка вода во село Рашче. За време на активностите во периодот од 09:00 – 13:00 часот, прекинато водоснабдување ќе имаат корисниците од населените места: Рашче Копаница и Бојане, општина Сарај.
Македонија
До понеделник променливо облачно време со локални врнежи од дожд
Променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Ќе дува умерен до засилен ветер од јужен, а долж Повардарието од југоисточен правец. Минималната температура ќе биде во интервал од 6 до 12, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува умерен до засилен југоисточен ветер. Минималната температура ќе се спушти до 10, а максималната ќе достигне до 16 степени.
Времето во наредните денови
Под влијание на влажна и нестабилна воздушна маса до понеделник ќе преовладува променливо облачно време со локални врнежи од дожд кои повремено ќе бидат пообилни. Процесите ќе бидат поинтензивни во форма на невреме со пообилен пороен дожд (над 30 l/m² за 24 часа), засилен ветер и појава на грмежи. Од вторник се очекува стабилизирање на времето.
Македонија
Гаши – Форнавре: Односите меѓу Шведска и Северна Македонија се темелат на заемно разбирање, доверба и почитување
Претседателот на Собранието, Африм Гаши, оствари средба со Делегација на Меѓупарламентарната група за пријателство Шведска – Северна Македонија на шведскиот Риксдаг, предводена од претседателката на Групата, Лота Џонсон Форнарве.
На средбата присуствуваше шведскиот амбасадор во нашата земја, Ола Солстром, како и претседателката на Пратеничката група на Собранието за соработка со Парламентот на Кралството Шведска, Дафина Стојаноска.
Претседателот Гаши ја истакна долгогодишната поддршка и пријателство на Кралството Шведска кон нашата земја, нагласувајќи дека односите меѓу двете држави се темелат на заемно разбирање, доверба и почитување.
Посебно беше изразено задоволство од формирањето на Групата за пријателство со Северна Македонија во шведскиот Риксдаг, што претставува важен чекор кон унапредување на парламентарната соработка.
Пратеничката Дафина Стојаноска упати благодарност за континуираната шведска поддршка за стратешката цел на нашата земја – полноправно членство во Европската Унија.
Се разговараше за остварување проекти во следниот период во повеќе области – земјоделство, бизнис, родова еднаквост, што ќе значи континуитет на поддршка и пријателство.
Присутните соговорници се согласија дека интензивната меѓусебна комуникација и размената на искуства придонесуваат кон приближување на државите и народите на Шведска и Северна Македонија.

