Регион
Постигнат договор, Грција останува во еврозоната
Лидерите на деветнаесетте земји коишто ја сочинуваат еврозоната по маратонскиот самит во Брисел успеаа да постигнат договор за новиот пакет помош за Грција и останување на оваа земја во системот со заедничка валута.
Лидерите на деветнаесетте земји коишто ја сочинуваат еврозоната по маратонскиот самит во Брисел успеаја да постигнат договор за новиот пакет помош за Грција и останување на оваа земја во системот со заедничка валута.
Состанокот на 19-те челници на земјите од европската монетарна унија, кој започна во неделата попладне, беше воден најчесто во тесен круг во кој германската канцларка Анегла Меркел, францускиот претседател Франсоа Оланд и, претседателот на Европскиот совет, Доналд Туск и грчкиот премиер Алкесис Ципрас се обидуваа да договорат компромис кој подоцна ќе им биде претставен на сите челници.
Подлога за преговорите беше документ на четири страници, кои го подготвија министрите за финанси од еврозоната во саботата и во неделата. Во тој документ, за Грција беа спорни две прашања, предавањето на грчкиот имот од 50 милијарди евра на надворешен независен фонд, кој постепено би ја приватизирал таа сопствености тие приходи би се користеле за намалување на грчкиот долг, како и прашањето за натамошното учество на Меѓународниот монетарен фонд (ММФ) во новата програма за финансиска помош.
„Самитот на еврозоната псотигна едногласен договор. Имавме само една цел, да постигнеме договор и конечно го остваривме тоа“, изјави пред новинарите претседателот на Европскиот совет, Доналд Туск по самитот којшто траеше рекордни седумнаесет часа.
Тој изјави дека на Грција ѝ е одобрен нов пакет со помош од околу 86 милијарди евра, но под строги услови, кои вклучуваат и пакет на мерки за штедење коишто грчкиот парламент мора да ги усвои до среда.
„Ова е шанса, Грција со помош на европските партнери, да се врати на патот на економското заздравување раст“, изјави Туск.
Претседателот на Европската комисија, Жан Клод Јункер, видно уморен, им порача на новинарите дека нема да се случи „Грекзит“, односно излегување на Грција од еврозоната. „Многу сум задоволен“ изјави тој и рече дека договорот е „типично европско компромисно решение“.
Претседателот на Еврогрупата, холандскиот министер за финансии Јероен Дијселблом истакна дека проблемот со довербата и намерата на грчката влада да спроведе пакет на реформи е конечно надминат. Тој објасни дека Грција се согласила на клучното барање на доверителите, средствата од приватизацијата да ги префрли во посебен фонд во Луксембург за да се обезбеди тие пари да се трошат на долговите, а не на плати и пензии.
Ова, со барањето трошењето на парите од пакетот на помош да ги контролира Меѓународниот фонд, а не грчката влада, беше главен камен на сопнување на маратонските преговори.
Холандскиот министер објасни дека договорот ќе стапи на сила кон крајот на идната недела, откако ќе го усвои Грчкиот парламент и нејзините европски партнери./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.