Македонија
Опозицијата побара делумна ревизија на Уставот
По предлогот на Владата да се измени член од Уставот, опозицијата излезе со низа предлози со кои би се извршила речиси целосна негова ревизија.
Владата предлага да биде изменет член 4, став 2 од Уставот, во кој ќе биде пропишана можност за предавање на државјанин на Република Македонија во друга држава, согласно меѓународните договори и обратно, како и за лица кои го злоупотребиле двојното државјанство и ја избегнале казнената одговорност.
Министерот за правда Михајло Маневски, кој го образложи овој предлог, информираше дека Владата подготвувајќи ги измените, ги имала предвид сите меѓународни стандарди.
Ваквиот предлог всушност е преземен според моделот на хрватскиот Устав.
Од опозициската СДСМ се согласуваат со ваквиот предлог на Владата, но забележаа дека ваквите уставни измени се вршат без консензус со опозициските партии.
„Ова е уште еден преседан на министерот Маневски. Приоритет над приоритетите е да се прочисти министерот за правда или да се депортира министерот за правда од Судскиот совет и од Советот на јавни обвинители“, изјави Владо Бучковски од СДСМ.
Од СДСМ предлагаат измени во Уставот со кои не би застарувале кривичните дела од областа на општествениот капитал.
Партиите од албанскиот блок ДУИ и Нова демократија(НД) имаат речиси идентични предлози – да има употреба на Бадентер при избор на судии, како и кај прераспределбата на буџетските средства.
Сметаат и дека одлуките на Уставниот суд за закон кој бил донесен со Бадентер, треба да бидат донесувани со Бадентер.
Од ДУИ велат дека за ваквите предлози се потребни консултации, а според НД тие сакаат само да манипулираат со граѓаните.
Расправата во Комисијата уставни прашања сè уште трае и останува неизвесно дали ќе биде постигнат договор за измена на Уставот. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот непречено по наместа влажни коловози
Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Времена измена на режим на сообраќај на регионален пат Р1101 делница Прилеп – Битола заради интезивирање на градежни активности во врска со проект “Санација на трупот на патот кај мост на река Шемница на Државен пат Р1101 км 85+903, делница Прилеп – Битола”, и тоа од 27.03.2024 ќе има целосно затворање на делницата.
На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.
Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.