Македонија
Груевски: Не отстапуваме од реформите и евроинтеграцијата и покрај блокадата од Грција
Добивањето препорака за почетокот на преговорите на Република Македонија со Европската унија и по третпат е најголемо признание за позитивниот тек за нашата евроинтеграција и доказ дека земјата напорно се движи напред кон Унијата.
Добивањето препорака за почетокот на преговорите на Република Македонија со Европската унија и по третпат е најголемо признание за позитивниот тек за нашата евроинтеграција и доказ дека земјата напорно се движи напред кон Унијата.Ова го изјави премиерот Никола Груевски по денешната средба со директорката на Директоратот на Европската унија за Македонија, Александра Кас Грање, којашто претходно му го предаде Извештајот за напредокот на земјата.Груевски притоа ја коментираше изјавата на еврокомесарот за проширување, Штефан Филе, порачувајќи дека нема да помогне во обезбедување на притисок за решение за името, стратегијата на пренагласување на определени забелешки во однос на судството и на јавната администрација во склоп со наводниот проблем со слободата на изразување и тоа, како што наведе, во услови кога три години спроведуваме суштински реформи во овие сфери кои не биле започнати 17 години, како и со пренагласувањето на забелешките околу борбата со корупцијата, каде Македонија пет години има позитивен напредок на светската листа на Транспаренси интернешнл за борба против корупцијата од 43 места. Го посочи, и како што рече Груевски, намерното изоставување на придавката „македонски“ што нема никаква врска со оваа или било која друга влада во изминатиот период.Како што рече Груевски, напротив, со тоа се одмогнува решавањето на главниот проблем за евроинтеграција на Република Македонија, а за кој сите се свесни дека е проблем што Република Грција го има со уставното име на земјата и со идентитетот, јазикот и националноста, кои се македонски, потенцираше македонскиот премиер.Сепак, Груевски рече дека и покрај блокадата, Република Македонија напорно работи на реформите и останува посветена на евроинтеграциите. Тој дополни дека три години се работи напорно на реформите коишто Владата ги достигнува истовремено блокирана од „нерационален виртуелен спор кој не е базиран на европските вредности и стандарди кои, пак, и блокирани упорно ги остваруваме“, и притоа се вложени трипати повеќе енергија и вообичаените потенцијали за да се успее во процесот на евроинтеграциите, од кои, како што потенцираше уште еднаш, Груевски, Владата не отстапува/крај/си/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).