Свет
WikiLeaks ќе објавува документи за сојузниците на САД и за Русија
Американските дипломати низ светот ги информираат сојузниците на САД дека на специјализирана интернет страница WikiLeaks дека наскоро ќе бидат објавени доверливи документи кои би можеле да предизвикаат непријатност и да ги загрозат односите на некои земји со САД
Објавувањето на документите се очекува овој викенд, иако WikiLeaks не прецизира точно кога ќе се случи. Истовремено, рускиот весник Комерсант објави дека интернет страницата специјализирана а објавување доверливи документи за војните во Ирак и во Авганистан, планира да објави документи кои нема да бидат пријатни за рускиот државен врв.Портпаролот на британскиот премиер Дејвид Камерон, изјавил дека американскиот амбасадор во Лондон, Луис Сусман ја информирал владата за „веројатната содржината на овој документ“, но одбил да каже на што била Велика Британија предупредена.Италијански министер за надворешни работи, Франко Фратини, рекол дека разговарал со претставници на американскиот Стејт департментот, како и дека му е кажано дека ќе биде објавен документ кој се однесува на Италија„ но „неговата содржина не може да се претпостави“.Владите на Канада и Норвешка, исто така, соопштија дека добиле информации од американските службеници, а министерството за надворешни работи на Израел одби да коментира дали се информирани.Документите кои може да бидат објавени на WikiLeaks следните денови содржат непријатни оцени за руската политика и за руските лидери, кои би можеле да бидат навредливи за Москва, пишува во петокот рускиот весник Комерсант.Весникот наведува дека тие откритија би можеле да ги нарушат односите меѓу САД и Русија. Како што се додава, во фајловите се наоѓаат транскрипти од разговорите на американски дипломати и руски политичари, како и извештаи за значајни случувања во Русија и анализа на руската надворешна и внатрешна политика.Повикувајќи се на извори од руското министерство за надворешни работи, весникот наведува дека руската дипломатија до четвртокот не била контактирана во врска со ова прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Учениците во Италија ќе ја повторуваат годината поради недоличното однесување
Италијанскиот парламент усвои закон со кој на наставниците и професорите им се дозволува да отпуштаат ученици поради недолично однесување. Целта на новата мерка е да се заштитат наставниците од агресивно однесување на учениците.
Воведувањето оценки за поведението им овозможува на училиштата да воведат повторување на годината за учениците само врз основа на нивното лошо однесување. Средношколците и учениците од високите училишта чие владеење е оценето со пет или помалку од максималните десет ќе паднат во годината и ќе мора да ја повторат дури и ако имаат добри оценки по други предмети, пренесува РТС.
Оние кои ќе постигнат шест во поведението ќе мора да полагаат граѓански тест.
Оценките во поведението значително ќе влијаат и на можноста за полагање на клучниот испит „матура“, кој е задолжителен за добивање на завршната диплома.
Новата мерка предизвика бурни реакции во Италија, а многумина велат дека е многу слична на онаа што ја усвоија властите на Бенито Мусолини во 1924 година.
Министерот за образование Џузепе Валдитара вели дека реформата на „оценките од поведението“ ќе го врати значењето на индивидуалната одговорност, почитувањето на другите и јавниот имот и ќе го врати авторитетот на наставниците.
Законот воведе и казни за агресивно однесување кон воспитно-образовниот кадар, кои се движат од 500 до 10.000 евра.
Италијанското здружение на просветни работници АНП го поддржа усвојувањето на законот. Од почетокот на годинава има драстично зголемување на бројот на инциденти во однос на лани – дури 110 проценти, пренесува медиумот.
Според написите, на наставниците често морало да им се укаже медицинска помош, а во многу случаи главни актери на инцидентите биле родителите на учесниците.
Претседателот на АНП, Антонело Џанели, истакна дека законот е чекор напред.
Свет
Во хакерски напад украдени имињата на холандски полицајци
Имињата на сите холандски полицајци се украдени во сајбер напад, изјави денеска министерот за правда на земјата.
Дејвид ван Вел, министерот за правда и безбедност во Холандија, попладнево во писмо до Претставничкиот дом на Холандија рече дека вчера бил информиран од началникот на полицијата дека „податоци поврзани со работата“ на сите полицајци во Холандија биле украдени во хакерски напад.
Сè уште не е јасно кои точно детали се украдени, но во писмото се вели дека хакерскиот напад не влијаел на „приватните и на податоците од истрагите“.
Полицијата го истражува инцидентот и холандскотот тело за заштита на податоците е известено, рече ван Вел. Тој додаде дека ќе му достави на Парламентот повеќе детали кога ќе станат достапни.
Тој за холандскиот печат изјави дека владата проценува дали има некакви ризици за тајните службеници.
Регион
Вучиќ: Работите во светот не одат во добра насока, Косово е многу комплициран јазол
Работите во светот „не одат во добра насока“, оцени денеска во Њујорк српскиот претседател Александар Вучиќ на крајот од шестдневниот престој во САД по повод заседанието на Генералното собрание на Обединетите нации.
„Единствената суштинска вест овде е Блискиот Исток“, изјави тој за РТС.
„Блискиот исток го јаде американското внимание, не сум сигурен дека тоа е добра вест за Украина. Европа прави се за да ја запре таа војна“, рече Вучиќ и нагласи дека приоритет мора да биде прекинот на конфликтот во Украина.
Тој рече дека имал повеќе разговори на тема политика и економија и оти „за првпат биле остварени важни контакти“ за економски напредок на Србија.
Вучиќ рече дека „ситуацијата во рударството и енергетиката“ во Србија ќе мора да се подобри бидејќи „лошо им оди“, додека „индустриското производство добро расте, производството расте, но потребни се повеќе инвеститори“, рече Вучиќ.
Тој рече и дека „немал лесни разговори“ за Косово и дека не може да зборува за деталите од средбите.
„Тоа е многу комплициран јазол. Мораме да го зачуваме мирот, да ги зачуваме животите, опстанокот и напредокот на нашето население на Косово, зачувувајќи ја правната и политичката државност на Србија и интересите на сите граѓани на Србија“, изјавил Вучиќ.
„Ќе се погрижиме да не направиме ниту една грешка, никој да не може нам ништо да ни забележи и да се зголемува силата на нашата економија и да се зголемува нашата поддршка за нашиот народ на Косово“, заклучил Вучиќ.