Македонија
Свеченост по повод дипломирањето на Кемал Ататурк
Свеченост со највисоки почести ќе биде организирана денеска во чест на 110 години од дипломирањето на Кемал Ататурк на Воената гимназија во Битола.
Свеченост со највисоки почести ќе биде организирана денеска во чест на 110 години од дипломирањето на Кемал Ататурк на Воената гимназија во Битола. Манифестацијата ќе започне со едноминутно молчење во чест на Ататурк и со интониранирање на националните химни. На свеченоста ќе се обратат Амбасадорот на Република Турција во Република Македонија. Хакан Окчал, Министерот за одбрана г-дин Зоран Коњановски и бригадниот генерал Едхем Бујукишик кој од вчера е во официјална посета на Македонија. Во рамките на свеченоста пред музејот во Битола каде е спомен собата на Кемал Ататурк, во чест на јубилејот ќе бидат засадени три садници, а Традиционалниот воен оркестар на ГШ на ВС на Република Турција ќе одржи концерт со пригодна програма.Во вечерните часови чествувањето на јубилејот ќе продолжи во Скопје во Домот на АРМ .крај/со/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити гласаше и упати порака до граѓаните: Не заборавајте дека секој глас е важен
Претседателот на Демократското движење и носител на листата на пратениците од коалицијата ВЛЕН во ИЕ 1, Изет Меџити го оствари правото на глас.
„Почитувани граѓани, денес е важен ден за нашата демократија. Ве молам учествувајте на изборите и изразете го својот глас за иднината на нашата земја. Ова е должност кон себе и кон другите. На овој прекрасен и демократски ден, не заборавајте дека секој глас е важен“, рече Меџити.
Македонија
Силјановска-Давкова: Како одговорна граѓанка со својот глас ги удостоив и парламентарните и претседателските избори
Како одговорна граѓанка, со својот глас ги удостоив парламентарните и претседателските избори, информира Гордана Силјановска-Давкова, кандидатка за претседател на државата, по гласањето за парламентарни и претседателски избори.
Во Македонија утрово започна вториот круг од претседателските и парламентарните избори.
Избирачките места беа отворени во седум часот, а беа затворени во 19 часот.
Во вториот круг од претседателските избори граѓаните одлучуваа меѓу Гордана Силјановска-Давкова и актуелниот претседател Стeвo Пандеровски.
На парламентарните избори, граѓаните избираат помеѓу 17-те изборни листи.
Македонија
Мицкоски за сценаријата за кои предупредувал: Се гледа дека се реалност, и Европа се срами од дефанзивните политики на т.н европски политичари
Претседателот на ВМРО-ДПМНЕ Христијан Мицкоски на денешниот чин на гласање на претседателските и парламентарните избори со повик до граѓаните да излезат и масовно да гласаат затоа што според него само на тој начин може да се одлучува за заедничката иднина.
Потенцира дека масовната излезност е глас и одлука за иднината на „нашите семејства и иднината на нашата татковина“.
Упати уште една порака и потсети дека за време на кампањата предупредувал на две можни сценарија кои денеска како што рече, се гледа дека се реалност“.
„Првото сценарио е на онаа група политичари кои во своето име го имаат зборот европски а од европски немаат ниту „Е“. Тие за жал се уште се заглавени во минатото, во 18 век и ова ќе биде голема казна на граѓаните врз овие ретроградни и дефанзивни политики на овие политичари кои ја злоупотребуваат Европа. Уверен сум дека и Европа се срами од овие луѓе“, рече Мицкоски.
Изрази благодарност и до медиумите, за како што рече, истрајноста и издржливоста во 35 дневната исцрпувачка кампања.
Прашан кој ќе биде неговиот став во врска со Косово, Мицкоски одговори дека нивниот став е многу јасен.
„Не знам дали во Косово ја имате таа информација дека Владата на ВМРО-ДПМНЕ ја призна независноста на Косово, или уште верувате на лагите на Артан Груби и Али Ахмети“, одговори Мицкоски.