Свет
Аналитичари: затворањето на Ормускиот теснец не е толку едноставно
Командантот на иранската воена морнарица во четврток изјави дека затворањето на Ормускиот теснец ќе биде „едноставно како да се испие чаша вода“, но американските аналитичари возвраќаат: „многу тешко“.
Командантот на иранската воена морнарица во четврток изјави дека затворањето на Ормускиот теснец ќе биде „едноставно како да се испие чаша вода“, но американските аналитичари возвраќаат: „многу тешко“.
„Затворањето на Ормускиот теснец е многу лесна работа за иранските вооружени сили, но засега не е потребно“, изјави во среда командантот, адмиралот Хабиболах Сајари. Иранската морнарица сметаат аналитичарите, не е доволно голема за трајна физичка блокада на теснецот, но има подводни мини и ракетни капацитети кои би можеле да нанесат огромна штета.
„Тоа нема да оди толку лесно како што велат тие. Но, ако Иран сака да предизвика проблеми, тоа може да го стори“, вели Кејтлин Талмиџ, професорка на универзитетот „Џорџ Вашингтон“ во САД.
Американската Петта флота, сместена во блискиот Бахреин внимателно ги набљудува движењата на иранските бродови во теснецот. Положувањето на подводните мини или ракетна активност не би минале незабележани и многу бргу би предизвикале одговор од страна на Американците.
Воените сили на Техеран во среда започнаа 10-дневни поморски вежби околу теснецот, низ кој минуваат 40 проценти од светскиот нафтен поморски промет, а 70 проценти од нафтата која ја купува Кина. Поморските сили на оваа земја се распоредени на истокот на теснецот, во Оманското море, во Аденскиот залив, како и во Индискиот океан.
„Ако се воведат санкции на извозот на иранската нафта, ниту една капка нафта нема да мине низ Ормускиот теснец“, предупреди и првиот потпретседател на иранската влада, Мохамед Реза Рахими. САД и некои западноевропски држави деновиве објавија дека размислуваат за воведување на нови санкции врз Иран поради неговата нуклеарна програма, кои би вклучувале и забрана за извоз на неговата нафта.
Аналитичарите истакнуваат дека Иран може да ја попречи пловидбата на танкерите и на западните воени бродови со подводни мини, со ракети и со самоубиствени напади со помали пловила, но потсетуваат дека воопшто не е лесно да се потопи супертанкер, кој е многу поголем и поотпорен на нападите од воените бродови.
Иран има 23 подморници и повеќе од 100 патролни и боеви бродови, додека во составот на Петтата флота се наоѓаат 20 боеви бродови. Клучното стравување е дека, ако Иран се обиде да го дестабилизира прометот низ Ормускиот теснец, тоа би довело до отворен воен судир со САД.
Но, Сузан Малоуни, експерт за иран при институтот Brookings, истакнува дека и Техеран и американската администрација ќе бидат многу внимателни да не дозволат тензиите да отидат премногу далеку.
„не мислам дека Иран сака војна, но постојат елементи во иранското водство кои би поздравила еден поинтензивен судир, затоа што тоа би одговарало на нивните интереси“, смета Малоуни. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Демонстрантите го блокираа автопатот во Тел Авив: Бараат од Нетанјаху итен договор за ослободување на заложниците од Газа
Демонстрантите во Тел Авив денеска го блокираа автопатот Ајалон, повикувајќи ја израелската влада да постигне договор со Хамас за ослободување на заложниците киднапирани во нападот на групата врз Израел на 7 октомври минатата година.
Протестот го водат семејствата на киднапираните, а во изјавата на демонстрантите се вели дека најавената израелска копнена офанзива врз градот Рафа во јужна Газа „значи напуштање на животите на заложниците“, пишува The Times of Israel. извештаи.
„По една година ветувања дека заложниците ќе бидат вратени со воена акција, сите разбираме дека единствениот начин да се спасат оние кои сè уште можат да се спасат е преку договор“, се вели во соопштението.
„Не попуштајте под притисокот на екстремистите кои користат заложници како изговор за продолжување на војната“, додаде групата, обраќајќи му се, според Тајмс оф Израел, на израелскиот премиер Бенјамин Нетанјаху.
Тој во вторникот на средбата со американскиот државен секретар Ентони Блинкен рече дека не е можен договор со Хамас кој ќе стави крај на војната и дека инвазијата на Рафа ќе се случи без разлика на се.
Свет
Јапонскиот аеродром Кансаи не изгубил ниту еден багаж за 30 години работа
Јапонскиот меѓународен аеродром Кансаи (КИКС) прославува 30 години работа без да изгуби ниту еден багаж, соопштија од аеродромот.
Седмиот најпрометен јапонски аеродром соопшти дека не изгубил ниту еден патнички багаж од отворањето во септември 1994 година, објави Си-Ен-Ен.
На тој аеродром годишно во просек минуваат од 20 до 30 милиони патници.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.