Македонија
Почина еден од осудените во Бродец
Почина Ханиф Дервиши (53), еден од осудените во полициската акција „Планинска бура“ во Бродец. Затвореникот починал во 6:30 часот од срцев удар на клиниката во Битола.
Почина Ханиф Дервиши (53), еден од осудените во полициската акција „Планинска бура“ во Бродец. Затвореникот починал во 6:30 часот од срцев удар на клиниката во Битола.
Од Управата за извршување на санкции го потврдија случајот.
„Беше осуден на 10 години поради терористичко организирање и недозволена трговија со оружје. Имаше издржано казна затвор од две години и два месеци. Почина во клиничката болница во Битола од масивен срцев удар“ изјави за Макфакс, Лидија Гавриловска, директорка на Управата за извршување санкции.
Како што изјави Гавриловска, Дервиши се пожалил на болки околу полноќ. Бил пренесен во Клиничката болница во Битола и му била дадена потребната терапија. Во пет часот повторно му се слошило, и по околу еден час и половина, починал.
Во акцијата во Бродец 13 лица беа уапсени, а шест лица загинаа. Ханиф Дервиши беше уапсен како еден од набавувачите на оружје. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.