Македонија
Петнаесет години Македонците учат од Холанѓаните за хортикултура
Бројот на македонски компании заинтересирани за соработка со ПУМ двојно се зголемил во 2009 година во споредба со изминатите години, а ова се должи на позитивните искуства на компаниите што веќе имаат остварено соработка
Амбасадорката на Кралството Холандија Симоне Филипини, министерот за економија Фатмир Бесими, Координаторот на ПУМ програмата за Македонија Јохан ван дер Берг и Заменик-министерот за земјоделство, шумарство и водостопанство Перица Ивановски ги поздравија присутните претставници на бизнис заедницата на приемот по повод петнаесетгодишнината од воспоставувањето на ПУМ програмата во Република Македонија. Во своето обраќање Амбасадорката Филипини ги истакна предностите на ПУМ програмата која нуди конкретна поддршка од врвни холандски експерти кои им се лесно достапни на македонските компании благодарение на локалните претставници на ПУМ. Министерот Бесими ја изрази својата благодарност за холандската поддршка на бизнис секторот во Македонија и конкретно за поддршката што ПУМ програмата ја нуди на малите и средни претпријатија, додека заменик-министерот Ивановски говореше за неговите позитивни искуства од соработката со институциите и компаниите од областа на земјоделството, хорти и флорикултурата во Холандија. Според Јохан ван дер Берг, бројот на македонски компании заинтересирани за соработка со ПУМ двојно се зголемил во 2009 година во споредба со изминатите години, а ова се должи на позитивните искуства на компаниите што веќе имаат остварено соработка. Тој упати повик до македонските компании што повеќе да го користат овој инструмент за поддршка, затоа што со минимален напор и средства можат да дојдат до видливи резултати за краток период. Претставници од Фејдом, Унипласт и Лабако говореа за нивните искуства со ПУМ програмата како и за резултатите од соработката со холандските експерти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.