Македонија
Ѓоргиевска сведочеше за собранискиот инцидент од 1. јули
Претседателката на координативното тело на стечајни работници, Лилјана Ѓоргиевска, беше сослушана од членовите на Анкетната комисија што го испитуваат собранискиот инцидент од 1. јули
Лилјана Ѓоргиевска рече дека стечајните работници не направиле никаков испад, откако предлог – законот за обесштетување на стечајците не помина во собранието.Според нејзиниот исказ, во галеријата на Собранието за време на гласањето присуствувале тројца претставници на стечајците, бидејќи само толку од нив претходно добиле дозвола од собранискиот спикер Вељаноски, додека други деветмина седницата ја следеле од канцелариите на пратеничката група СДСМ. Таа додава и дека откако законот не бил изгласан тие излегле пред зградата собраниската зграда каде имало полициски кордон. Тврди дека слушнала и закани од полицијата упатени кон нив.„Се слушна како некој од полицајците кажа: Дај да ги иритираме за да може да ги натепаме. Јас ќе упатам благодарност до присутниот командир, кој го одржа редот и не дозволи да се случи такво нешто“, рече Ѓоргиевска.Според нејзините зборови, при излегување од салата на собранието, по ходниците од неколку пратеници слушнала за закани што наводно до неа ги упатил пратеникот од ВМРО ДПМНЕ, Петар Поп Арсов.„Многу пратеници ми рекоа дека и нашиот господин Петар Поп Арсов, наш кумановец што јас го почитувам, рекол дека ќе ме апси, но не знам зошто“, рече таа пред членовите на анкетната комисија.Според исказот на Ѓоргиевска, претставниците на стечајците кога влегувале во Собранието биле фотографирани и снимани од непознати лица, кои немале никакво обележје. Претседателот на комисијата Хајрула Мисини даде пауза, поради одржување на пленарната седница на која се гласа за измените на собранискиот Деловник. Предвидено е да бидат сослушани и стручно лице од МВР кое ќе го објасни системот на обезбедување во собранието, како и членови на собраниското обезбедување.Комисијата треба да утврди дали постои евентуална политичка одговорност за пратениците, кои на 1-ви јули беа дел од инцидентот со припадник на обезбедувањето, што се случи откако Собранието не го прифати предлог-законот за обештетување на стечајците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.