Американските власти го потврдија учеството во создавањето на контроверзниот филм „Невиноста на муслиманите“, што предизвика протести во повеќе муслимански земји, на жител на сојузната држава Калифорнија, Накула Басили Накула (Nakoula Basseley Nakoula).

Претходно осудуваниот за финансиски криминал Накула, кој е член на организација којашто ги обединува египетските коптски христијани во САД, им овозможил на новинарите на Associated Press увид во неговото испитување.

Според агенцијата, во четвртокот претставници на правосудните органи на САД, го осомничиле Накула за обезбедување организациона поддршка на авторите на филмот. За тоа, дали против него е покренато кривична постапка, не е соопштено.

Групата што го направила филмот „Невиноста на муслиманите“, кој предизвика бес кај муслиманските верници и напади врз американските амбасади во арапските земји, претходно изјави дека авторите ги користеле нивните филмови, но не ги соопштија своите намери. Според агенцијата, англискиот саундтрак бил направен по завршувањето на филмот и не се совпаѓа со оригиналното сценарио. Притоа, кога во филмот ќе се јави името на пророкот Мухамед, актерите не се видливи во кадарот или нивната артикулација не одговара на звукот.

Како што беше претходно објавено во американските медиуми, филмот на интернет ресурсот за размена на видео материјали го поставил 52-годишниот Сем Бејсил, Американец од израелско потекло кој собрал 5 милиони долари од 100 еврејски донатори за снимањето на филмот. „Исламот е канцер“, изјави анонимниот Бејсил во средата за весникот The Wall Street Journal.

Филмот почнува со снимки коишто прикажуваат како египетските безбедносни сили мирно гледаат како муслиманите ги пљачкосуваат и палат домовите на египетските христијани Коптите. Следат карикатурални сцени на пророкот Мухамед прокажан како вонбрачно дете , како кловн, женкар, хомосексуалец, злоставувач на деца и алчен, крвожеден злосторник.

Видеото беше раширено кога контроверзниот американски пастор Тери Џонс од Флорида почна да го промовира и самиот го прогласи 11-ти септември „Меѓународниот Судниот ден на Мухамед“.

Пасторот Џонс во вторникот објави дека филмот е „од американска продукција, но не му е цел да ги напаѓа муслиманите, туку да покаже колку е разорна исламската идеологија“.

Како што претходно беше објавено, филмот е во режија на Сем Бејсил (Sam Bacile), но лицето кое се крие под овој псевдоним, сѐ уште е непознато.

Накула Басили Накула не одрекува дека дал логистичка и организациска поддршка на филмаџиите, но притоа уверува дека тој не се јавува како режисер, било лично, било учесвувал во неговото создавање со негова активност или знаење.

Според агенцијата, сличност во звучноста на второто име на Накула – Басили и името на режисерот на филмот Бејсил, даваат повод да се мисли дека овие две лица се, всушност, едно исто лице. Покрај тоа, за време на средбата со новинарите Накула покажал лична карта, но во исто време се обидел да го скрие неговото средно име, пишува Associated Press.

Појавата на фрагменти од филмот доведоа до протести и напади на разгневените муслимани врз амбасадата на САД во Каиро. Подоцна во Либија, Тунис, Иран и Јемен, исто така, беа нападнати американските дипломатски мисии. Во гранатирањето на американскиот конзулат во либискиот град Бенгази, беше убиен американскиот амбасадор Кристофер Стивенс и тројца други дипломатски службеници. Во моментов, протестите се шират во други земји во регионот./крај/мф/сн