Во соработка со невладините организации и граѓанскиот сектор, министерството за правда подготвува нов Законот за здруженијата на граѓани и фондациите, кој ќе биде усогласен со меѓународните закони што се однесуваат на оваа проблематика

На денешната работна средба на Министерството за правда со невладините организации и граѓанскиот сектор, беше потенцирано дека Министерството посебно ги цени иницијативите што ги преземаат организациите, а како доказ на соработката ќе биде и новиот Законот за здруженијата на граѓани и фондациите. Донесувањето на одлуките се очекува до октомври или ноември следната година.„Министерството за правда е подготвено и понатаму да соработува со невладините организации“, рече министерот Михајло Маневски, кој изрази задоволство од работната средба.Како клучни членови во новиот закон, а биле побарани од невладините организации, на средбата се разгледале две одлуки. Едната се однесува на понатамошната либерализација и намалување на административните проблеми, а другата, која е од посебна важност е Статусот од јавен интерес. Според Маневски, овие одлуки ќе донесат продлабочување на односите. Што се однесува на Статусот од јавен интерес, во повеќето европски земји, именувањето на одредена организација како “организација од јавен интерес” укажува на тоа дека организацијата има стекнато одреден “статус”. Таа не се регистрира како одделно правно лице.Исто така, средбата носи новини и во однос на годишната граница на лицата кои можат да основаат здружение на граѓани. Невладина организација ќе можат да основаат и малолетни лица, над 15 години, што за учесниците на средбата значи поттикнување за поголем придонес во граѓанското општество.По иницијатива на Меѓаши ќе бидат донесени измени и дополнувања во Кривичниот законик, што ќе се однесуваат на зголемување на санкциите кон повредувачите на правата на децата. Некои од измените во Кривичниот законик ќе бидат и од превентивна природа, како што е забраната од 10 години право на работен однос за лицата што ќе извршат обљуба на работно место.„Убаво е што законите се донесуваат, но законите треба и да се почитуваат“, порачаа пак, од Националниот совет на жените, кои на средбата укажале на непочитувања во законот, а се однесуваат на правата на жените.