Свет
Тајфунот не нанесе големи штети во Шангај
Разорниот тајфун „Муифа“ кој што веќе ги зафати Филипини и Јапонија оставајќи пустош зад себе, денеска го погоди кинескиот град Шангај, продолжувајќи на север од источниот брег на Кина, јавуваат новинските агенции.
Разорниот тајфун „Муифа“ кој што веќе ги зафати Филипини и Јапонија оставајќи пустош зад себе, денеска го погоди кинескиот град Шангај, продолжувајќи на север од источниот брег на Кина, јавуваат новинските агенции.
Силниот налет на тајфунскиот ветер соборувал рекламни паноа и накратко предизвикал прекин на електричната енергија во најмалку два стамбени квартови, соопшти заменик началникот на шангајскиот штаб за контрола на поплавите Санг Баолијанг.
Според извештаите на локалната телевизија, ветерот во Шангај соборувал далеководи и носел билборди, а едно 24-годишно момче се води како исчезнато.
За сега нема информации за повредени. Ројтерс јавува дека тајфунот ослабнал и дека зазел правец кон провинцијата Шангдонг.
Според утринските податоци по локално време, епицентарот бил 300 километри североисточно до Шангај и се движел по Источното кинеско море на северозапад со брзина од околу 23 километри на час. /крај/тј/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.