Македонија
Битолската Клиничка болница доби опрема вредна над 5 милиони евра
Со реализирањето на тендер од Владата за набавка на софистицирана современа дијагностика и терапевтска опрема, наменета за јавните здравствени установи во земјава, дел од опремата доби и битолската болница
Опремата во текот на изминатите два месеца етапно пристигнуваше а станува збор за најсовремена брендирана опрема од прозиводители како што се „Сименс“, „Џенареал електрикс“, „Дрегер“ и др. брендови на медицинска опрема препозантливи во светот. Според првиот човек на Клиничка ова било голема придобивка за пациентите и вработените во Клиничкиот центар Битола.„Вработените ќе имаат сатисфакција дека ќе ракуваат со ваква современа опрема за која може да им позавидат многу поразвиени држави или барем дека сме на исто ниво со нив, додека граѓаните и пациентите на Битола побрзо ќе дојдат до дијагноза и со помалку грешк“, рече д-р Михајло Џолонга, дирекотр на Клиничка болница Битола.Терапевтската опрема е дополнение на софистицираната и таа ќе се користи при примена на современите методи на терапија кај пациентите. Џолонга вели дека опремата условно е поделена на лесна и тешка. Како што рече тој, лесната е сместена во постоечки простории каде лесно се адаптира, додека, пак, за тешката ќе треба изведување одредени градежни зафати.„За тешката опрема веќе почнавме со градежни зафати потребни за да ја сместиме, бидејќи за нејзина се потребни посебни статички услови заради нејзината тежина“, дополни др. Џолонга„Кадарот што работи на досегашната постара опрема, секако има искуство и ќе бид епоптребна мала доедукација за да се запознае софтверот на новата опрема“, смета директорот на Клиничка болница Битола.Новата опрема поставува нови предизвици за Клиничка болница Битола, односно зголемување на бројот на пациентите, сметаат лекарите.„Таква опрема нема во радиус од 150 километри, односно Скопје, Солун, Софија. Со тоа многу пациенти ќе привлечеме да се лекуваат тука“, рече др. Михајло Џолонга.Опремата е распоредена по одделенија, на гинекологија, неонатологија, хиругија, анестезија и реанимација, на интерниот оддел, на педијатрија, а дел чека стручни лица да ја монтираат, додека се уште се очекува пристигнување на уште неколку медицински апарати. Како тшо сметаат битолсктие здравствени работници, со ова битолското здравство би било на завидно ниво во поглед на пружањето услуги на пациентите, па и на рамниште надвор од земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Филипче привремено го скрати зимскиот сон, па застана на страна на трговците кои делуваат како воени профитери
Добро е што Венко Филипче излезе од егзил и зимскиот сон го скрати привремено. Лошо е што се стави на страна на трговците кои делуваат како воени профитери, реагира ВМРО-ДПМНЕ по обвинувањата на лидерот на СДСМ дека премиерот Мицкоски е виновен за покачувањето на цените во маркетите.
Од ВМРО-ДПМНЕ велат дека Филипче не треба да зборува за кошнички и стандарди бидејќи е запаметен и како министер кој тргуваше со човечки животи и набавуваше респиратори и вакцини по сомнителни договори. Според владејачката партија тоа е исто како лисицата да зборува за безбедноста на кокошарникот!
„Седум години владеење на СДС беа години на распродажба на државните интереси, зголемување на долговите, инфлација и систематска кражба. Тие се главната причина зошто граѓаните денес се соочуваат со вакви економски предизвици кои макотрпно како Влада ги надминуваме. ВМРО-ДПМНЕ не само што реагираше веднаш за да ги заштити граѓаните од алчноста на трговците, туку и воведе механизми за контрола и казнување. За разлика од СДС, кој ги охрабруваше картелите и мафијата да печалат на маката на народот, ние преземаме акција. Неврохирургот на Заеви треба да ја наведне главата од срам за милионите евра украдени од тендери, а не да држи лекции за морал и економија“, се вели во реакцијата.
ВМРО-ДПМНЕ додава дека граѓаните нема да дозволат оние кои ги уништија да им држат лекции за морал.
Македонија
СДСМ веќе е крената на нозе, рече Венко Филипче
Задоволен сум што преку еден инклузивен и отворен процес заедно со членството успеавме да ја издигнеме партијата, СДСМ е веќе крената на нозе, ги брани интересите на граѓаните и силно се противи на погрешните политики на власта, рече претседателот на СДСМ, Венко Филипче, вечерва во Битола, каде заедно со заменик претседтелката Фани Каранфилова Пановска и потпретседателот Методија Илиевски присуствуваа на изборна конференција на општинската организација на СДСМ од овој град.
СДСМ не е веќе истата партија од пред изборите, интензивно сме на терен, помеѓу членовите, да го слушнеме нивниот глас и заедно да ги дефинираме следните чекори, додаде Филипче.
-Преку отворени дискусии и размена на идеи, продолжуваме да ја зајакнуваме партијата и да ги дефинираме следните активности. Како што ветив, членовите имаат активна улога во креирањето на политиките кои ќе ја обликуваат иднината на партијата. Отворена врата за секого и заедничко делување. Комуникацијата со членството, со базата е веќе на многу повисоко ниво, достапноста и присутноста на раководството е значително зголемена. Тоа ќе биде дел од новиот начин на функционирање на СДСМ и во иднина, рече Филипче.
Филипче му честиташе на новоизбраниот претседател на ОО СДСМ Битола, другарот Методија Куновски и му посака успешна работа, потенцирајќи дека процесот за избор на претседатели на општинските оганизации на СДСМ привршува успешно.
-Во завршна фаза е целиот процес за избор на претседатели на општинските организации на СДСМ, овој месец привршуваат изборните конференции и во останатите општини. Изборот на луѓето е со широк консензус во рамки на самата партија и во рамки на општинските организации и тоа наша вредност, рече претседателот на СДСМ, Венко Филипче вечерва во Битола.
Македонија
Според Филипче, Мицкоски глуми загрижен политичар – „Срамота е што им дозволивте на трговците да профитираат додека расте сиромаштијата“
Христијан Мицкоски е виновен за измамата со кошничките, расте сиромаштијата додека трговците профитираат, рече вечерва во Битола претседателот на СДСМ, Венко Филипче на конференција на општинската организација.
-Го слушам Мицкоски денеска вели срамота било тоа што го правеле трговците. Не господине Мицкоски, срамота е што вие дозволивте тоа да го прават и што тајно со нив се договарате а во јавноста глумите загрижен политичар. Касно е да ја префрлате вината за овој дебакл и грабеж на трговците, одговорноста е само ваша, рече Филипче.
Првиот човек на СДСМ рече дека по шест месеци Влада на ВМРО-ДПМНЕ се чуствува голема економска несигурност и слабеење на стандардот на граѓаните. Сметките растат, цените растат, а Владата со измами се обидува да ги излаже луѓето дека со нешто им помага, додаде тој.
-Реалноста е сосема друга од онаа која ни ја презентира Мицкоски. Граѓаните тоа најдобро го приметуваат кога ќе влезат во маркетите. Лажните кошнички за поевтини цени се трик на Мицкоски и трговците со што тие печалат на маката на луѓето, рече претседателот на СДСМ, Венко Филипче, кој вечерва во Битола разговараше со членовите на партијата за повеќе актуелни теми.