Свет
До средината на март ќе биде исплатено целото грозје
Протестот, под силно полициско обезбедување, почна пред Пиварница- Скопје, а беше прекинат по ветувањето од Свето Јаневски и од премиерот Владо Бучковски за исплата на грозјето
Протестот, под силно полициско обезбедување, почна пред Пиварница- Скопје, а беше прекинат по ветувањето од Свето Јаневски и од премиерот Владо Бучковски за исплата на грозјето
Блокадата на „Тиквеш“ ќе биде тргната по исплатата на првите налози
АЛЕКСАНДРИЈА СТЕВКОВСКА
Тиквешките лозари добија гаранција од винарската визба "Тиквеш" и лично од премиерот Владо Бучковски дека од денеска ќе започне исплатата на целото преземено грозје од реколтата 2005 година. Деблокирањето на "Тиквеш" ќе почне со реализирање на првите исплати, а дотогаш пристап до фирмата ќе биде овозможен само за менаџментот и за вработените во сметководството, кои треба да ги подготват документите за исплата. Ветувањето за целосна исплата на грозјето лозарите го добија откако вчера дојдоа во Скопје на протести. Протестот, под силно полициско обезбедување, почна пред Пиварница-Скопје, а потоа беше прекинат по добивање на ветувањето од претседателот на Управниот одбор на "Тиквеш", Свето Јаневски, и од премиерот за почеток на исплатата на грозјето Со тоа, најавата за протестирање пред куќата на Јаневски не беше реализирана.
"На разговорот со Свето Јаневски се договоривме за начинот и сумата за исплата на средствата за грозјето. Остана добивањето на гаранцијата од Владата за она што е во нивна надлежност. Владата повторно им излезе во пресрет на лозарите и договорот постигнат со М6 и претседателот на УО на "Тиквеш", Свето Јаневски, дека тие имаат обезбедено средства за стопроцентна исплата на грозјето од денеска до 15 март. Знаејќи дека Владата има придонес во изнаоѓање на конструкцијата за исплата, од премиерот баравме гаранција за она што го договривме со М6. Ги добивме сите гаранции од него и очекуваме договореното да биде почитувано", изјави градоначалникот на Кавадарци, Панчо Минов, по завршување на средбата со премиерот Бучковски.
‘
Според Минов, само така блокадите од "Тиквеш" ќе се тргнат.
"Попладне во визбата пристап ќе има само раководството и сметководството на визбата, а веќе со реализација на првите налози за исплата, блокадата од визбата ќе биде сосема тргната", додаде Минов.
Според градоначалникот на Кавадарци, од Јаневски е побарано извинување за нивното оквалификување како уличари, а тоа ќе биде проследено и со кривична пријава. Претходно, од "Тиквеш" преку соопштение негираа дека лозарите биле наречени така, нагласувајќи го партнерскиот однос меѓу нив и визбата.
На прашање како може Владата да гарантира за исплата на средства од приватна фирма, Минов објасни дека Владата може да гарантира исплата на средства од една приватна фирма, бидејќи станува збор за прашање кое не се однесува на нивото на фирмата, туку е прашање кое засега повеќе од 10.000 семејства од Тиквешијата кои се занимаваат со лозарство и е прашање за кое двапати расправала Владата.
"Владата има разбирање за проблемите на лозарите на досегашното неисплатување на средства за предаденото грозје, поради што и таа активно се вклучи во изнаоѓање, во рамки на банкарскиот систем, конструкција на средства за обезбедување на парите. Токму поради тоа ние побаравме лична гаранција од премиерот дека заклучоците од Владата ќе бидат извршени. Според "Тиквеш", средствата за исплата се обезбедени од комерцијални извори", истакна Минов.
Атмосферата во која дојдоа лозарите и протестираа во Скопје беше крајно наелектризирана, а лозарите беа истрајни во намерата да издејствуваат решение прифатливо за нив, со оглед на тоа дека најавата на "Тиквеш" за исплата само на половина од грозје, предизвика огромен револт. Незадоволството делумно беше намалено по средбата со Јаневски, иако претходно на насобраната толпа лозари им се обрати координаторот на "Тиквеш", Ѓорѓи Петрушев, кој им вети целосна исплата на грозјето. Меѓутоа, лозарите беа убедени дека станува збор за уште едно лажно ветување, па откако побараа средба со Јаневски и се сретнаа со него, а потоа и со премиерот, само ги доубеди дека нивниот труд ќе се исплати, по што се вратија во Кавадарци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.