Македонија
Беџети:Барањето за аболиција на Кежаровски е преседан
Барањето на Здружението на новинари на Македонија (ЗНМ) за аболиција на новинарот од дневниот весник „Нова Македонија“, Томислав Кежаровски може да биде преседан бидејќи судењето е при крај, изјави министерот за правда Блерим Беџети кој најави дека наскоро Министерството ќе излезе со официјална одлука.
„Ние сериозно го разгледуваме барањето во министерството за правда, но сме претпазливи да не придонесеме да се случи еден преседан. Моите сознанија се дека случајот Кежаровски е веќе во судска постапка, не е во истражна постапка или во рана фаза. Затоа сме претпазливи и како министерство за правда да не влијаеме во такви преседани, имајќи предвид дека иако е новинар, не е судење за слобода за изразување, туку за друг почувствителен предмет“, изјави Беџети.
Судењето за случајот „Ликвидација“ и денеска продолжи со презентација на доказите прибавени со посебни истражни мерки.
Веќе во четврток се очекува обвинетите да дадат завршни зборови, што значи дека судењето се ближи кон крајот. Во случајот обвинети се судии, адвокати, обвинител, а Кежаровски одговара за откривање на идентитетот на заштитениот сведок во случајот со убиството на старецот од Ореше. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дозволена екстрадицијата на Љупчо Палевски Палчо
Министерството за правда известува дека е добиено официјално известување дека екстрадицијата на Љупчо Палевски е дозволена.
Македонија
Битиќи: Патриотски ќе одиме кон повисоки плати и пензии, кон „Едно општество за сите“
„Ова зад мене е Спомен-костурницата, симбол на прогресивното и мултикултурно Куманово, темелот на АСНОМ-ска Македонија. Градот кој во 2015 година го потресе трагедија која беше одраз на еден режим кој сакаше да ја скрши Македонија. Сеќавањата сè уште остро нè потсетуваат и опоменуваат на тие мрачни времиња кога ВМРО-ДПМНЕ ја држеше заробена државата во мрак исполнет со стравови“, вели во видео обраќање од Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој нагласува дека СДСМ седум години градеше општество на соживот, меѓусебно разбирање и почитување на различностите, притоа предупредувајќи дека „наследниците на режимот бараат повторно да се издигнат од пепелта, нивната шовинистичка политика повторно надвиснува над Македонија“.
Битиќи предупредува дека со ВМРО-ДПМНЕ и неговиот национализам постои опасност државата да се врати во периодот кога имаше поделби на етничка и религиозна основа.
„Со ВМРО-ДПМНЕ и нивниот национализам може само да се вратиме во времето кога вештачки се обидуваа да креираат поделби и раздори на етничка и религиозна основа. На овие парламентарни избори, секој глас за нив, е глас за времињата налик на тие од 11 години режим. Но наспроти нив, стоиме ние, СДСМ и Коалицијата за европска Македонија, со кои, патриотски, а не националистички, ќе одиме кон повисоки плати, повисоки пензии и пред сè, кон Едно општество за сите“, вели Битиќи.
Македонија
ДУИ: Вокабуларот како оној на Мицкоски е агенда на Москва и Путин
Мицкоски и ВМРО почнаа со лажни вести да измислуваат, дезинформираат и оцрнуваат се што е албанско. Ни помалку ни повеќе, денес, Мицкоски во стилот на лажни вести и заслепен од желбата за власт ја обвинува ДУИ и Али Ахмети дека организирале вооружена група некаде во Чаир и Бутел, велат од ДУИ.
ДУИ и Европскиот фронт изразуваат длабока загриженост за подбуцнувачкиот вокабулар на меѓуетничка омраза на Мицкоски една недела пред 8 мај, денот кога Европскиот фронт ќе ја одбележи својата длабока победа.
„Свесен и исплашен дека нивните слуги од албанската опозиција ќе претрпат длабок пораз, Мицкоски намерно ги загрозува меѓуетничките односи предизвикувајќи страв од дестабилизација на ситуацијата, која е желба и главна цел на проруските центри во Северна Македонија. Во оваа прилика, ДУИ и Европскиот фронт ги повикуваат граѓаните, без разлика на етничката припадност, да не станат плен на измислици и поттикнување меѓуетничка омраза, бидејќи вокабуларот како оној на Мицкоски е агенда на Москва и Путин, кои сакаат да ја дестабилизираат Северна Македонија посебно, а и регионот во целина“, дополнуваат од ДУИ.
Потсетувааат на мислењето дека кога ДУИ организирало избори во последните години, тие секогаш биле слободни, демократски и меѓународно прифатени.