Македонија
ОМД ги награди Рикер, Хил, Атанасовски и Фридман
Обединетата македонска дијаспора (ОМД) викендов во хотелот Мериот во Вашингтон ги додели наградите за пријателство на истакнати лица од САД и дијаспората, пренесе Гласот на Америка.
Обединетата македонска дијаспора (ОМД) викендов во хотелот Мериот во Вашингтон ги додели наградите за пријателство на истакнати лица од САД и дијаспората, пренесе Гласот на Америка.Наградите за пријателство на ОМД ги добија американскиот амбасадор во Македонија, Филип Рикер, поранешниот амбасадор Кристофер Хил, еден од најпознатите иселеници Џорџ Атанасовски и професорот Виктор Фридман.Амбасадорот Рикер поради презафатеност не можеше да присуствува на доделувањето, но затоа се обрати преку видео-снимка.Со овации беше проследено наградувањето на професорот Виктор Фридман, кој над 40 години работи на проучување и промоција на македонскиот јазик во академскиот свет. За пријателство со Македонија беше почестен и поранешниот амбасадор во Македонија Кристофер Хил. “За земја која има толку многу проблеми, но и толку многу пријатели во нашата земја, таа стана дел од она што го размислуваме и чиниме на Балканот“, рече Хил. На свеченоста присуствуваше и македонскиот амбасадор Зоран Јолевски, кој ги акцентираше владините реформи за деловна промоција, со почитување на стандардите на ЕУ. /крај/воа/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.